LONDON — despues di a registrá sero morto pa motibu di Covid-19, e siudat London a tuma e desishon pa de-eskalá mas medida. For di komienso di yanüari, London tabata den un ‘Lockdown’

E desishon pa de-eskala a bini despues di dos luna ku medidanan estrikto, mas ku 30mion persona bakuná i sero morto registrá riba un dia. E de-eskalashon a bai den diferente etapa. Pa 8 di mart 2021 tur skol a habri bèk. Entrante 29 di mart por topa den gruponan di no mas ku 6 persona i tin pèrmit pa praktika deporte bèk. Pa 12 di aprel próksimo, Inglatera tin plania pa habri kompletamente bèk. Esaki ta nifiká ku tur tipo di negoshi e.o pakus, restorant por habri bèk. 

Segun Minister Presidènt Boris Johnson, nan ta premirá ku pa juli 2021 nan lo a bakuná tur adulto.