Back to Top
Responsive image
E korant di pueblo

Aubrey America produktor general di Christmas Live


December 22, 2020 • 2 minüt pa lesa


Willemstad– Aubrey America ku ta un profeshonal no deskonosí den Mundu di Farándula lokal i internashonal lo debutá komo Produktor General pa GA EVENTS manehá pa un otro yu di tera talentoso Chucho Albertina ku ta un kompania super prestigioso den organisashon den Eventonan na Hulanda I na Kòrsou.

Ya nos tur sa ku pa lunanan mundu di Farándula a ser tacha pa Covid- 19 pero esaki no a strob’é titan nan di organisashon nan aki pa yega na un konsepto kaminda huntu nan lo produsí e promé show Virtual pa asina famianan gosa di e Pasku benidero aki den e normal nobo.

Preparashonnan ta andando en grandi pa hasi CLUB BLU e sentro di Ambiente kaminda lo gosa di diferente artistanan yu di Kòrsou biba na Hulanda.  Hopi efektonan di lus, bon animashon i tambe detayenan lo pone ku evento aki a bira un ku hopi lo papia si dje. Aubrey ta mas ku honra ku e ta hasié huntu ku un otro yu di tera paso esaki ta demostrá ku huntu nos por traha pa yega na ideanan ku por ser realisá en grandi.

E situashon ku aktualmente mundu ta eksperensiá ta pone hopi lubidá e sentimentunan bunita ku e temporada di desèmber ta reflehá. Esaki ta netamente e motibu dikon artistanan a uni pa huntu selebrá Pasku den kas di tur famia. E show virtual ta reforsá e kompromiso ku nos artistanan tin pa entretené i pa semper deleitá nos komunidat ku nan komposishonnan.

Sigur durante e periodo di desèmber ku ta reflehá un temporada yená ku sentimentunan bunita, un temporada kaminda nos ta rekonektá ku famianan; ekspresá gratitut pa tur nos bendishon nan; rekordá lèsnan balioso ku nos a siña durante e aña pero tambe pa rebibá e momentunan ku mas nos a disfrutá di dje.

Pa garantisá un show riba nivel haltu, e transmishon lo ta optenibel via di un sistema ‘Pay-Per-View.’ E prosedura di PPV ta unu simpel i fásil pa traha kuné. Simplemente kumpra un karchi na Vigilante òf app na +5999 518 9339 pa reservá bo karchi, “scratch” e parti patras pa risibí bo kódigo, hinka e kódigo den e wèpsait i disfrutá di un tremendo show. Pa kumpra karchi online subi riba www.clubblu.nl. E show ta tuma lugá 24 di desèmber próksimo i lo kuminsá 12AM na Hulanda i 7PM na Kòrsou. 

Login