Nieuwe Haven,– Awe 13.30 korte ta dikta futuro di e hóben nan Shuwently Nocento i Alcher Hodge. E hóben nan a keda akusá i alabes atmití di a partisipá na asesinato den Kaya Beròm algun tempu tras di lomba.

Segun investigashon penal, Alcher Hodge ta e persona ku a lòs tiru, pero tin sufisiente indikashon tambe ku Shuwently Nocento lo tabata e kabesante ku lo a okerstrá henter e suseso fatal. Durante tratamentu di e kaso, tantu abogado Athena Sulvaran komo abogado Alicia Blonk a para ariba pa laga nan klientenan kai bou di lei hubenil pa asina nan risibí un kondena di rehabilitashon. E situashon a bai asina leu ku abogado Blonk a splika korte pa porfabor no manda e hóben nan será pa 16 aña debí ku e hóben nan aki lo bira meskos ku su kliente defuntu, Shairon Paulina.

Korte den promé instante a kondena e hóben nan na un kastigu di 20 aña, pero PG Tiggelaar a splika korte ku e ta demanda un kastigu di 16 aña.