GRONINGEN—Si duna pashèntnan ku mester opera bakuna prome ku operashon, esaki por skapa hopi bida.

E konklushon aki sientífikonan ta yega na dje den un investigashon internashonal den kua universidat di Groningen UMCG tambe a partisipá. Bakunashon pa un operashon plania por skapa miles di bida mundialmente ku lo a muri di e virus despues operashon, segun UMCG.  Pashèntnan ku keda kontagia ku corona denter di un luna despues di operashon ta kore hopi risiko di bira un kaso fatal, 4 pa 8 biaha. Pashèntnan di 70 plus ku hasi operashon di kanser, tin un sifra di morto di 2,8%. Esaki ta subi te 18,6% despues di un infekshon di corona. Segun e sientifikonan si bakuna prome ku operashon por evita 58.000 kasonan fatal di corona.