SDK: na SDK a laga pone un sentro adishonal pa logra bakuna Kòrsou mas lihé posibel. Entretantu bakunashon a bai bario

Punda- Kòrsou su desaroyo ekonómiko pa sigur 2021, tei dependé riba e situashon di Covid-19 i kon lihé ta yega na un nivel aseptabel di bakunashon.  Durante último ruedanan di prensa, dr Izzy Gerstenbluth a splika ku e situashon na Kòrsou ta birando serio. Pero lokual Gerstenbluth no por splika ta efektonan di bakunashon riba desaroyo ekonómiko.

E situashon di Covid na Kòrsou por eskala di tal índole i okashoná un kontrakshon severo den nos ekonomia lokual i konsekuentemente oumentá e nivel di desempleo. Esaki ta nifiká ku sigur promé mitar di 2021, efektonan di Covid ta sigui influensha ekonomia durante promé mitar di 2021. Adishonal ta bini aserka e riesgo di gobièrnu fia mas tantu sèn segun 2021 ta desaroyá. Si infekshon oumentá na Kòrsou, kompanianan lokal ta bende ménos i paga ménos impuesto miéntras oumento den desempleo lo nifiká ménos impuesto riba entrada kolektivamente. Pa reflehá na sifra, Kòrsou su debe nashonal sin Covid por yega 4 mil mion florin pa final di 2021. Sin e bakuna i mas medida di restrikshon e debe nashonal por pasa mil mion florin i aserka nos Produkto Nashonal Brutu. E aserkamentu di e debe nashonal na e Produkto Nashonal Brutu kombiná ku défisit riba e presupuesto di likides ta un problema serio.