Amsterdam — Alrededor di 20 proveedornan di servisio di kriptomoneda ta registrá ku banko sentral Hulandes kual ta DNB, pero no ta muchu konosí ainda si personanan di bèrdat ta invertiendo den e monedanan, segun e website NU.nl a raporta. 

Registrashon riba su mes no ta nifiká un seyo di aprobashon, un bosero di e banko a bisa NU.nl. “E ta nifiká solamente ku e proveedornan no ta involukrá den aktividatnan kriminal, pero ta asina leu kòntròl ta bai.” Outoridat di servisio finansiero AFM i asosiashon di invershonista VEB ámbos a bisa ku invertí den servisionan kripto, na Hulanda òf den eksterior ta un “hype”, pero ku nan no tin idea realmente kuantu persona ta doño di kriptomoneda. 

“E volúmen di interkambio ta varia enormemente entre plataformanan kripto”, Christiaan Jimmink marketing manager na Bitcoin Meesters, e plataforma kripto di mas grandi na Hulanda a bisa Nu.nl. “Nos a hasi nos propio investigashon i ta kalkula ku alrededor di 700 mil persona Hulandes ta inverti den Bitcoin. Nos tin alrededor di 200 mil kliente Hulandes. Algun ta gasta 10 euro, otro sentenáres di míles di euro. Nos volúmen di tur dia di interkambio ta kai den shen di miónes”, Jimmink a bisa. AFM a bisa ku ta mantené un bista riba e desaroyonan, inkluyendo atvertiendo konsumidónan riba e riesgonan di invertí den kripto pa motibu di e balor variando enormemente di monedanan digital. Servisionan di Bitcoin tambe ta kontroversial pasombra Bitcoin ta saka demasiado energia. Resientemente, eks doño di Bitcoin kual ta Elon Musk a bisa ku su kompania Tesla no lo usa Bitcoin mas pa transakshonnan, pa motibu di e pregunta enorme di dioxido di karbon ku ta resultá di esaki.