Representantenan di organisashonnan a uni pa asina tin un siman den kual por reflehá riba e  servisio di siguridat den aeropuerto i asina trese mehorashon.

Willemstad, — Dia 23 di òktober último Curaçao Airport Partners ,den kuadro di ‘Safety and Security Week 2023’, a kubri diferente tópiko den kuadro di siguridat.

Curacao Airport Partners (CAP) ,den kuadro di ‘Safety and Security Week 2023’, a tene un programa den kual a kubri a kubri diferente tópiko den kuadro di seguridat den aviashon. E programa aki a start dia 23 di òktober i lo dura te dia 27 di òktober.  Dia 23 di òktober tabatin diferente eksperto presente, ku ta traha den siguridat na aeropuerto. CAP ta konsiente ku e kondishonnan di siguridat i ku protekshon ta sumamente importante. Ta pa e motibu aki ta bini huntu den e siman pa asina rekordá e importansia di siguridat.

Representante di CAP a menshoná ku lo sigui traha riba e sertifikado di e aeropuerto pa trabounan i negoshi di e aeropuerto ta wòrdu hasí na un manera seif. Tambe ta trahando riba e parti di digitalisashon, un sentro operashonal di emergensia i un sistema di ‘calling’’ den kual tur personal lo haña e mesun informashon i pa yuda mitigá un problema. Tambe e representante a menshoná ku nos aeropuerto ta un aeropuerto mas sigur kompará ku otro aeropuertonan. I alabes a kontinuá i a menshoná ku lo sòru pa tene nivel di presensia bou di empleadonan haltu, i lo keda trese konosementu pa asina e aeropuerto por siña for dje. Mester sòru pa problemanan wòrdu analisá, solushoná, i no wòrdu ripití.

Minister Cooper di VVRP a duna palabra den kual el a menshoná ku den su trabou den refineria anterior, un aksidente por ta dor di dos kondishonnan: unu ku no ta segun standart di siguridat òf un akto di personal ku por lidia na un aksidente. Minister Cooper a menshoná ku mester traha pa eliminá e kondishon unsafe i òf trein e persona p’e no kousa aksidente. Minister Cooper  a menshoná ku turismo ta importante pa e ekonomia di Kòrsou i safety and security di esaki, ta un responsabilidat ku ta wòrdu kompartí .

Minister Cooper a menshoná ku International Civil Aviation Organization (ICAO) su stándartnan global, Federal Aviation Administration (FAA) su gran konosementu i ekspertisia den siguridat di aviashon, i tambe Jet Blue su dedikashon ta eksepshonal i ta reflehá e prinsipionan ku Kòrsou tin. Minister a menshoná e partnernan aki su presensia ta demonstrá ku Kòrsou ta habrí pa siña pa asina tene e sektor di aviashon di Kòrsou haltu den esnan internashonal. Tambe minister a menshoná ku lo deliberá otro aña den parlamento pa asina aportá ku leinan na e siguridat di aviashon.

Minister Cijntje di MEO a menshoná ku e aña aki pa promé biaha den historia di Kòrsou nos a risibí mas ku mitar mion di turista. Mantené siguridat den realme di aviashon i turismo ta sumamente importante.  Minister Cijntje ta menshoná ku den kuadro di siguridat, inovashon ta sumamente importante.  E partnernan stratégiko ku ta uni huntu pa e di tres aña kaba, ta yuda analisá, evaluá, i gana perspektiva den aspektonan krusial den aviashon. Minister Cijntje a menshoná ku e ta sostené CAP su dedikashon komo un aeropuerto operador, i e esfuerso ku CAP ta hasi pa oumentá edukashon i desaroyo di su empleadonan. Esaki ta kontribuí na kompetensia di e empleadonan den e industria pero tambe ta benefisiá nos tur.

Sereya Schotborg regional officer ICAO,  a duna un presentashon di ‘safety management and performance’. Den esaki Sereya a duna e aspektonan ku importante den maneho di siguridat. Sereya Schotborg a menshoná e importansia pa tin maneho senior involukrá, kumplimentu ku rekisitonan preskriptivo, un régimen di ehekushon den kual kada ken sa kiko e tin ku hasi, anto protekshon di informashon di siguridat ku ta wòrdu reportá. Den esaki ta importante pa dokumentá prosesonan i protokòlnan pa tin mas siguridat, i tambe tuma desishonnan basá riba data. Mester di un sistema den kual personanan ta sinti nan liber pa reportá informashonnan ku ta aportá na e kultura di siguridat. Esakinan tur ta importante pa minimalisá rísikonan ku ta afektá siguridat.

Julio Siu deputee direktor di ICAO, tambe tabata tei presente i a menshoná e importansia pa tin kolaborashon entre partnernan i e konfiansa pa asina mehorá maneho di siguridat. Kultura di siguridat ta algu ku ta kambia konstantemente. Mester definí esaki pa asina e sistema di siguridat por reflehá e kultura di siguridat. Esakinan ta inkluí entre otro: polítika di kultura di seguridat, kiko ta aseptabel i kiko nò, guia di protekshon pa reportahe di informashon, prosedura pa personal den kuadro di siguridat, edukashon di personal i maneho, protekshon di empleadonan, protekshon di data, prosesonan pa dil ku outoridat hudisial i media.

Ta eksistí diferente kultura, pero e aeropuerto mester tin su propio kultura interno, den kual e aeropuerto ta operá.