Gorsiraweg—E desishon pa keda sin aseptá finansiamentu, pa kontinuashon di Ennia Seguro di Bida (Leven), por resultá fatal pa komersio di seguro na Kòrsou. Komprendibel ta e hecho ku 1.4 miar florin (segun Pik Pisas), lo mara aktual gobernashon na pagamentu di debe en bes di invershon.

Segun deklarashon di Pik Pisas, no tabata un desishon fásil pa rechasá e finansiamentu ofresé pa Hulanda. Esaki e la duna di konosé durante un entrevista na Vigilante. Pero e desishon di Hunta di Minister tin su benifisionan, pero tambe ta karga desbentaha. Si Ennia Leven, sali for di merkado, preis di penshun ta subi na Kòrsou  pasobra tin ménos kompania grandi di penshun ofresiendo penshun.

Kupo di trabou na “Ennia Leven”, tambe ta bira un problema. Na momento ta desalokando  e fondo di penshun na Ennia, e kompania ta obligá na ehekutá retironan laboral. Al final, mas ku 50% di empleadonan na Ennia ta bai kas. Desde awe no tin niun kompania òf persona individual ku lo bai Gorsiraweg pa sera un seguro.

Den e parti tekniko, e balansa di Servisio Komun Estatal  lo karga e peso di Ennia. Un problema hopi serio. Segun Promé Minister Pik Pisas, Kòrsou no por karga e peso finansiero di Ennia. “Chumbu pa Heru”. E sèn pa garantisá penshonadonan di Ennia mester sali fo’i un skina. Seguro di Bida na Ennia…ta simplemente “unsecure”.