Back to Top
Responsive image
E korant di pueblo

CMC a pega: 46 mion florin na debe di hür


August 21, 2021 • 3 minüt pa lesa

For di 2017 bai di akuerdo ku 27 punto kual entre nan ta e entidat di Vastgoed manehá via di un Holding. Ta bini un “Vastgoedmaatschappij” i un “Exploitatiemaatschappij”. E entendimentu a enserá ku ta bin un entidat doño dje edifisio i tambe un entidat operashonal.

Otrobanda—Curaçao Medical Center, su posishon di likides ta bastante malu i sin ta pagando hür. Na e momentonan aki e instituto nashonal di kuido tin un debe atrasá di 46 mion florin na hür  serka HNO Vastgoedbedrijf i no tin prespektiva pa paga. Miéntras, un 5 mion florin reserva pa den kasonan di urgensha, tambe Parlamento a órden pa uza.

For di aña pasá, Direktor Finansiero Karina Lombardi ta bati bèl. Djaweps último, Parlamento di Kòrsou a manda un moshon ku finalmente ta bai krea mas problema pa CMC. Un reserva di 5 mion florin apuntá riba balans pa den kasonan di urgensha, p.e. remplaso di unidatnan di kuido, mester wòrdu uzá promé pidi gobièrnu pa mas sèn. Te ainda e instituto por duna kuido na pashènt pasobra no ta kumpliendo ku obligashonnan finansiero. E sèn simplemente no ta yegando pa kubri gastunan operashonal ménos importante. Unu di e gastunan aki ta pago di hür pa uzo dje edifisio na Vastgoed.

Esaki ta kreando un problema grandi pasobra ku e sèn di CMC riba pago di hür, e Vastgoed mester pa paga gobièrnu e fiansa pa konstrukshon di e edifisio. Ademas, Vastgoed mester mantené reserva pa mantenshon i kuido di e edifisio. Ku e sèn ku Vastgoed ta paga gobièrnu, gobièrnu di su banda mester kuminsá paga Hulanda bek e fiansanan riba bono pa kual a uza i kompletá konstrukshon di CMC. Aparte di edifisio, Vastgoed ta doño dje ekiponan médiko i mester remplasá esakinan kada 8 pa 13 aña. Ta trata di un konstrukshon aprobá for di aprel 2013, den un Memo di Komprendementu ku Gobièrnu a firma entre Kòrsou, Sehos i SONA. Den e memo di entendimentu, a keda konstatá pa separá e operashon di kuido for di ekipo i edifisio, lokual ta un konstrukshon lógiko.

Den e entendimentu a keda palabra riba 20 sèptèmber 2013 ku ta bini un “Vastgoedmaatschappij” i un “Exploitatiemaatschappij”. E entendimentu a enserá ku ta bin un entidat doño dje edifisio i tambe un entidat operashonal. A ehekutá e kontenido dje entendimentu konforme diseño solamente no a sigui ku Sehos sino ku CMC. HNO Vastgoed seguidamente a tuma den un akuerdo di debe, tur debe riba dje (ménos infrastruktura di gobièrnu) pa alrededor di 412 mion florin. E kálkulonan, despues di seri di kasonan den korte i deliberashonnan a keda verifiká pa Ministerio di Finansas i SOAB.  Den e struktura nobo, CMC ta uza e edifisio i ta paga hür na Vastgoed. Ku e hür, Vastgoed ta paga gobièrnu e debe di 412 mion florin i gobièrnu na su turno ta paga Hulanda bek pa lokual nan a fia.

Den kuadro di e struktura a presentá mas problema, pasobra konstrukshon a kosta mas tantu sèn. Tabatin mester di mas sèn. Mester a traha un di dos fase riba e statutonan pa pone sigur ku CMC no ta den Sektor Kolektivo. Na Hulanda niun hospital no ta. E no ta kumbiní pais pasobra esei ta pone ku e ta eliminá espasio for di gobièrnu pa fia. Ta konosi, ku Gobernadó a koperá ku Hulanda pa stroba e finansiamentu lokal i ten’é asina for di debe di gobièrnu, a stroba e posishon finansiero di CMC konsiderablemente. CMC, meskos ku kalke otro hospital ta duna servisio médiko komo trabou. SVB ta paga pa e servisionan. For di e sèn ku CMC ta kobra pashènt (SVB) pa servisio e ta paga su kostonan, inkluso hür na Vastgoed. Vastgoed su trabou ta mantené e edifisio i spar pa sigui kumpra ekiponan di uzo pa largo plaso. CMC ta pag’é pa uzo di edifisio plùs ekipo. Tin un retraso di 42 mion florin.

Login