E tim tras di Curacao Clean Up ta kuminsá bai mas den e barionan di Kòrsou.

Willemstad, — ‘Curaçao Clean Up’ ta bai organisá dia di limpiesa e aña aki un biaha mas. Pa kuminsá ke e evenemento Curacao Clean Up a lansa un seremonia den kual a introdusí dos baki di resiklashon ku ta wòrdu aloká na Bon Bini Supermarket den bario di Brievengat.

Aña pasá ‘Curaçao Clean Up’ a organisá un dia di limpiesa den kual tabatin alrededor di 3400 boluntario. Limpiesa a tuma lugá na 150 área den diferente bario di Kòrsou den kual a piki diferente sorto di shushi. Tambe limpiesa a tuma lugá bou di awa kaminda 150 sambuyadó na 14 lokashon kaminda rekohé 1213 kilo di shushi. Kòrsou su partisipashon huntu ku 191 pais mas rònt mundu, a forma e evento boluntario di mas grandi na mundu aña pasá. ‘Curaçao Clean Up’ ke invitá siudadanonan pa inskribí komo boluntario un biaha mas e aña aki. Di e forma aki e dia di limpiesa lo tuma lugá pa di 11 biaha na Kòrsou i tambe Kòrsou lo partisipá pa di 6 biaha bou di e akshon mundial “World Clean Up Day”.

Pa start e evenemento di dia di limpiesa ‘Curaçao Clean Up’ a organisá un seremonia i a introdusí dos baki di resiklahe di spònser dor di Coca Cola. E organisashon Fundashon pa Stimula Edukashon i Formashon den Bario tambe tabata presente. Stimula Edukashon i Formashon den Bario ta un di e kolaboradornan tambe pa realisashon dje bakinan. E dos bakinan di resiklahe lo wòrdu aloká na Bon Bini Supermarket den bario di Brievengat. Di e manera aki e organisashon nan ke pone akshon pa limpia bario i tambe yuda forma i konsientisá siudadonan pa e importansha di limpiesa.

E dia di limpiesa organisá pa ‘Curaçao Clean Up’ ta sirbi komo un dia pa konsientisá siudadanonan tokante di shushi ku ta resultá riba kaya, na playa i den laman. Tambe e dia aki ta sirbi pa kòrda ku mester bini ku solushon nan viabel i sostenibel tokante maneho di sushi den nos komunidat. ‘Curaçao Clean Up’ ke invitá individuonan, grupo di amigu, famianan i tambe koleganan pa partisipá riba e dia di limpiesa pa yuda piki shushi. E dia di limpiesa e aña aki ta tuma lugá dia 16 di sèptèmber di 7or pa 11or di mainta. Registrashon ta posibel te ku dia 9 di sèptèmber via e wèpsait di ‘Curaçao Clean Up’ www.worldcleanupdaycuracao.org. 

 ‘Curaçao Clean Up’ ke rekordá un i tur un bes mas, pa tene Kòrsou limpi for di tur shushedat.