WILLEMSTAD,—-No ta un sekreto ku parke di bestia (Curaçao Zoo) ta bataya pa años kaba pa ku fondonan pa e por bai dilanti. For di añanan 2015 bin ariba, gobièrnunan na turno a kòrta drástikamente den e supsidio ku ta duna e parke.

Lástimamente gobièrnu tin otro prioridatnan pa atendé kuné ku no ta nos parke nashonal di bestia, esta Curaçao Zoo. Den añanan 2020 a kambia e maneho di Curaçao Zoo pa asina por trese un kambio den e parke. Pa ku esaki parke di bestia a bin ta hasi diferente aktividat pa por rekoudá fondo pa asina sigui pusha e parke pa bai dilanti i tambe purba di trese mas animal bèk.

Pa ku esaki tin un aktividat mas e wikènt aki, riba dianan 6 i 7 yanüari 2023, pa rekoudá fondo. Ta bai tin diferente presentashon di “entertainment band nan” i tambe vários wega pa muchanan i entretenimiento.

Bin pasa dushi den un ambiente ameno familiar i asina tambe aportá na parke di bestia nashonal CURACAO ZOO.

Ta asina ku den pasado parke di bestia òf manera ku nan esaki den e idioma hulandes ‘dierentuin’ tabata e sitio di mas popular bou di e muchanan. Sigur tabata un plaser di por a bai wak animalnan den wikènt, kaminda ku bo tabata mira famianan ta disfrutá.

Un hubentut ku hopi chèns no ta bini mas. Pero esaki no ta kita ku e mayornan di awendia por laga nan yunan konosé nos parke di bestia. E wikènt aki sigur ta e momentu adekuá pa hasi esaki.