Esaki ta e Event Tents ta.

WILLEMSTAD,– No ta bai dura masha ku farándula lokal ta bai haña un sitio nobo kaminda ku esaki ta bai tin un kapasidat di 5 mil hende pa evento.

Ta trata aki di un “Multipurpose Event Tents”. Ta asina ku Vigilante Farándula a tuma nota ku tin trabou nan serio ta tumando lugá na e sitio en kuestion pa asina pa mas tarda den luna di yüni e promé evento por bai tuma lugá den e sitio nobo.,ku ta un sitio kaminda ku tur evento ta tuma lugá bou di dak,esta un sitio sera ku un erko ku no ta kai afó ni tampoko manda kalor.

Mas aleu mester bisa ku ya tin diferente promotor nan grandi ku ta mustrando nan interes pa den futuro serkano nan pone nan evento nan den e sitio nobo ku ta keda riba e kaminda di bai Erport Hato,òf pa mas fásil pa hende komprendé kaminda ku na dos okashon a organisá e evento di “Hak’e Sommer Festival”.

Pues e dia nan aki trabou nan duru ta tumando lugá paso ya e Multipurpose Event Tents” ta na Kòrsou,ta kuestion di kaba ku e parti di fundeshi i instalashon di Koriente i awa despues di dje ta ayó bonochi,paso farándula lokal ta bai sera konosí ku un sitio nobo ku ta bai karga 5 mil hende pa evento.