Back to Top
Responsive image
E korant di pueblo

Dia 8 di yüni paisnan rònt mundu ta para ketu na "World Oceans Day"


June 5, 2021 • 1 minüt pa lesa

Willemstad— Paisnan rònt mundu riba 8 di yüni, “World Oceans Day”, ta para ketu na e balor di laman i pakiko mester Konservá lamannan. Riba e 8 di yüni na Kòrsou tambe ta bai para ketu na esaki pa medio di un webinar lokal kaminda ta bai pone atenshon riba e importansia kon nos laman ta enkargá pa nos ekonomia, nos bienestar i dikon nos tur mester konserva nos lamannan.

Tema di e webinar ta “Preservation of our Ocean: Our Business and Prosperity”. E dia aki ta marka tambe inisio di Curaçao Sustainability Coalition, un organisashon hybrid kaminda tur inisiativa, organisashonnan i programanan relatá na duradero ta djòin pa huntu informá, kolaborá, siña for di otro i haña informashon. Un movementu inisiá den un intento pa organisá tur informashon riba e tema di oséano i pa link esakinan na e Metanan pa Desaroyo Duradero (SDGs).

Gobièrnu di Kòrsou, huntu ku WAITT Institution, e UNESCO Kátedra di Teknologia Duradero riba Awa i Maneho ubiká na Universidat di Curaçao i Komishon Nashonal di UNESCO Curaçao a uni pa trese e konferensha virtual riba e dia akí. Meta di e konferensha ta pues pa trese na konosementu di komunidat un variedat di tópiko relashoná ku nos uso di oséano, kon esaki a kontribuí na konservashon, e importansia di nos laman pa Kòrsou, su dependensia, utilisashon i tambe kontribuí na nos prosperidat komo un nashon. Lo tin informashon tambe riba finansiamentu i research pa di un manera duna sosten na akshonnan “entrepreneurial” i gubernamental den e área di Desaroyo Duradero, Blue Economy i  mas.

Login