AMSTERDAM—Varios huesnan i fiskalnan di hustisia ta sinti nan mes insigur pa menasa di sirkulo kriminal, segun un sondeo.

E sondeo nobo ta di e plataforma di investigashon Investico i De Groene Amsterdammer. E sentido di inseguridat tin influensia riba e trabou di huesnan i fiskalnan. Algun di nan no kier atende sierto kasonan mas, manera kasonan kontra krímen organisá. Otronan ta pensa pa stòp di traha. E reporteronan investigativo a puntra gran kantidat di huesnan riba e influensia di menasa i violensia. E enkuesta a keda ehekuta bou di miembronan di asosashon di hustisia hulandes di huesnan i fiskalnan. Hulanda tin 2500 hues i 900 fiskal. E enkuesta a keda yena pa 370 persona. Mas ku mitar ta indiká ku nan a keda konfrontá ku menasa of intimidashon. Hopi biaha esaki tabata durante un kaso ku nan tabata trata. 30% tabata trata un investigashon riba krimen organisá.

Kasi 150 respondente ta bisa ku nan ta bisa ku e sentido di seguridat ta menos ku 5 aña pasa. Den último añanan tabatin insidentenan fatal rondo di e proseso Marengo. E asesinato riba abogado Derk Wiersum a kondusi na seguridat permanente pa diferente hende den hustisia tambe. E konsekuensianan di e menasanan ta grandi segun e enkuesta. Kasi 1 riba 3 magistrado ta hasi su trabou diferente pa konsiderashonnan di seguridat. Asina ta sosode regular ku e hues komisario (huesnan ku ta supervise investigashonnan kriminal) ta traha bou di un number enbes di nan nomber. Den e dossier riba asesinato di Peter R de Vries ta pone anonimo, di reshershinan te hues komisarionan i testigunan te ekspertonan di instituto forensiko. Kasi 10% di respondentenan sa ninga sierto kasonan pa motibu di seguridat. Konsiderando mi situashon privá ku yunan chikitu i e impakto ku seguridat personal tin riba mi bida familiar, mi no ta hasi kasonan di kriminen organisá, un hues ta deklará. Tin temor despues di asesinatonan riba ruman di testigu prinsipal Nabil B, abogado Wiersum i Peter R de Vries, ku un dia lo toka un hues of fiskal ku lo keda asesiná. Kasi tur hende ta preokupá ku e impakto di violensia i menasa riba hustisia. Ta parse un lucha pèrdí den kua segun un fiskal. E asosashon di huridikshon ta rekonose e resultadonan di e enkuesta. Nan ta kuadra ku e sondeo ku e sindikato a hasi algun aña pasa. Ta teribel ku tin asina tantu menasa, segun presidente Marc Fierstra. Aktualmente ta pensa riba un grupo di huesnan pa kasonan ku risiko haltu. Tambe ta papia di ekstra kompensashon finansiero. OM tampoko ta sorprende ku e resultadonan di e enkuesta. Segun OM e menasanan no ta solamente den kasonan kontra krimen organisá. Ta un desaroyo preokupante ku lamentablemente ta kuadra ku un komunidat polarisante, segun un bosero. Otro profeshonalnan tambe ta keda intimida segun otro sondeonan, manera politikonan, abogadonan i reporteronan ku ta konfrontá regularmente ku agreshon i menasanan.