No tin ni bishitante den Plaza.
Punda- Un situashon ku sigur tin e doñonan di negoshi i stent nan den Marshe na Punda ku man na kabes.
Pa loke ta trata e situashon ku tin ta ku no tin benta i mester paga tur dia, apesar ku bo no uza e stentnan. Tambe esnan ku tin negoshi a splika ku nan no ta bendiendo nada i tur luna mester paga normal pa e espasio. Nan a puntra si por baha e hür di e espasionan, pero nada no por keda hasi pa ku esaki. Ya pa basta luna kaba pa ku e situashon di e pandemia a pone ku no tin turista ku nan por bende nan merkansianan. Tin dia nan ta bai habri negoshi i sinta henter dia sin bende nada. Por a tuma nota enbèrdat ku na Marshe ta hopi bashí i di baina tin hende ta kana eiden. Nan ta pidi si Fundashon Marshe por yuda nan, paso nan no sa kuantu tempu mas nan por sobrebibí.