Willemstad ———- Djárason 14 di febrüari 2024 alrededor di 02.34’or polis a haña informashon ku tin un bringamentu na Rialtostraat na altura di un bòrchi di bùs i ku tin un persona heridá.

Mesora a dirigí un unidat di Polis na e sitio. Na yegada di Polis a bin topa un hòmber ku herida di hinká na parti ariba di su kurpa. Mesora ela wòrdu transportá ku ambulans pa Sala di Emergensia di CMC pa kuido avansá. Na e sítio tabatin tambe un dama ku tabatin problema respiratorio i ku a wòrdu transportá pa Rode Kruis. Alabes polis a haña i konfiská un arma di kandela. Na e sitio a detené e hòmbernan K.J.V. di 21 aña di edat pa maltrato i D.E.V. di 24 aña di edat pa maltrato, intento di asesinato i violashon di lei di arma. Ambos sospechoso ta nasé na Kòrsou. A presentá e duo dilanti di un fiskal ouksiliar ku a ordená su enkarselamentu pendiente di mas investigashon.