E “bezetting” di personal ta mas grandi ku di alumno nan den e skol nan.

Punda—   sr. Wladimir Kleinmoedig a indiká ku ta evaluando tur kos huntu ku direktiva di e skol nan i tambe esun nan riba vèlt promé ku tuma desishon nan pa ku skol.

Komo sektor nan ta den diálogo ku tur partido mas tantu posibel riba tur kos evaluando e situashon den vèlt mes. Promé ku tuma un desishon si skol mester sera òf keda habri bo ta buska e konseho di eksperto anto si e eksperto ta bisa dal bai ta sigui e direkshon di nan, naturalmente pareu ku esei mester monitoria e desaroyo den skol nan promé. Esaki pa por komuniká i tambe konektá bèk pa por bisa asin’aki e situashon ta i den e direkshon aki e kos nan ta baiendo pa tuma akshon. Tambe a hasi sr. Klienmoedig e pregunta di ku si nan ta hañando señalnan di ku maestro nan di skol nan tambe tin pániko mirando ku nan tambe ta hende.

E la splika ku dor di esei e la indiká ku nan ta den kontakto ku tantu e direktiva nan di skol komo e vèlt anto ku  e por kompartí kòrtiku un tiki di e sifra nan. Djarason último tabatin un “bezetting” di aproksimadamente entre 80-90 % di personal, di alumno tabata mas abou pasobra mayor nan ta drenta pániko i no ta mandando tur mucha skol. Konsiderando esaki e “bezetting” pa loke ta trata alumno ta niki mas abou. Tabatin skol nan ku tabata 50 % pero tabatin skol yen, kon ku bai bin ta kanando ta bai den e direkshon di eksamen sentral i esaki tambe ta un punto hopi importante ku mester monitoria i vigilá komo sektor.

Kleinmoedig a bisa ku loke nan ta haña komo señal di vèlt tin maestro ku realmente ta malu anto e malesa por ta covid por tin maestro den karentena tin alumno nan tambe ku ta den karentena òf ku ta malu. Esaki ta tipo di sifra nan hopi konkreto ku pa nan ta hopi importante ku nan ta bai vigilando i akumulando i asin’ei den konsulta ku eksperto nan tuma un desishon.