Innesesario: embargo riba Mullet Bay tabata kompletamente innesesario.

MULLET BAY—E embargo penal imponé riba Mullet Bay ta sigui innesesariamente. Despues ku Jose Jardim a entrega un keho penal kontra grupo Ansary pa aktonan malafide, Ministerio Públiko a imponé un embargo riba Mullet Bay pendiente un investigashon penal.

Entretantu e investigashon penal nunka mas a yega lagando e propiedat bou di embargo, kousando peliger di claimnan mionario di parti di grupo Ansary. Esaki ta den trámite, pasobra Korte di Apelashon na 2023 a konstatá e daño muchu mas abou di lokual Banko Sentral a akusá Ansary, miéntras ya kaba tabatin mas ku 600 mion florin rekuperá i Korte a “settle” e daño te ainda na 260 mion florin, kasi 900 mion ménos di lokual Banko Sentral a konstatá.

E bataya pa Mullet Bay tambe tabata unu innesesario. Ennia ta sigui propietario di Mullet Bay, pero Banko Sentral den korte sivil, promé ku e desishon den Korte di Apelashon ku tabata na fabor di grupo Ansary a logra saka Ansary for di maneho na Mullet Bay, hañando kòntròl riba e kompania Sun Resorts. E problema ku Banko Sentral ta konfrontando ta un eksagerashon inmenso di e daño na Ennia. Te ainda Korte di Apelashon a menshoná 260 mion florin i balor di Mullet Bay so, ta surpasá esei, miéntras tin “rekuperá” mas ku 600 mion florin. Ta sospecha e balor di Mullet Bay di ta entre 250 pa 400 mion florin, pa ta na mínimo.

Ademas si ta papiando di solbabilidat, mester tuma un tèrmino di por lo ménos 20 aña, lokual ta un periodo tambe ku e balor di Mullet Bay lo subi, konforme adaptashon di merkado riba bienes inmóbil . Te ainda den korte i pafó di korte, te ainda Banko Sentral no a duna un kalkulo sientífiko riba solbabilidat di Ennia Caribe Holding òf hasta Ennia Leven.