Nina Ansary huntu ku Hushang Ansary na Nieuwe Haven yegando korte di hustisia.

Nieuwe Haven—Nina Ansary ta den proseso pa claim un suma di 1 bion dòler estado unidense kontra di Banko Sentral, Ennia Caribe Holding miéntras Hushang Ansary ta formulando un claim di 5 bion dòler.

Na Korte di Distrikto den estado di California, korte a rechasa demanda di pago imponé pa Banko Sentral. Ku e rechaso di korte, Nina Ansary riba teritorio estado unidense no por keda kondena pa pago di 560 mion dòler ku ECH ta claim

Manera ta konosí, Korte Sivil Sentral na Distrikto di California, a rechasá un petishon di kobransa ku Ennia Caribe Holding, mediante nan abogado Sabine Altena a inisiá. Kasonan di kobransa den korte sivil na Estádos Unídos ta tuma lugá riba titulo personal, esta a prosesá e petishon di Sabine Altena kontra di Nina Ansary. Hues Suzanne Sykes a trata e petishon i konklui di ta rechasa e proseso di kobransa ku Ennia Caribe Holding a inisiá kontra di Nina Ansary pa 560 mion dòler estado unidense. Ta regardá un proseso entamá, den kuadro di ehekushon di e veredikto den promé instansha na 2021 di Hues Evelyn Notenboom na Kòrsou.  Den un desishon den Promé Instante. Nina Ansary a keda kondena pa paga kostonan eksesivo i sakeo di dividendo ku den Korte di Apelashon a keda rechasa. Ku e desishon di korte na Los Angeles California, Nina Ansary ta keda apsolv’é tambe riba teritorio estado unidense. Nina Ansary tambe tin un claim di 1 bion dòler estado unidense

Nina Ansary entretantu den korte a afirmá su claim internashonal ku e la hiba kontra di Banko Sentral. Nina Ansary ta haña ku CBCS mester paga no ménos ku 110 mion dòler pa kada un dje 9 demandanan imponé den su kontra. Ademas e ke pa e banko paga tur gastunan di interes, gastunan adishonal, inkluyendo salarionan rasonabel di abogadonan i gastunan adishonal ku a hasi pa e proseso sivil akí. Tambe e ke pa Korte disidí riba otro reparashon adishonal ku Korte ta konsiderá apropiá. Komo prueba Ansary ta usa entre otro loke èks direktor di CBCS José Jardim a bisa durante un konferensia di prensa konvoká na 2018 tokante e intervenshon den e grupo Ennia. Jardim a splika e dia ei ku Korte a aprobá e medida di urgensia ku CBCS a dekretá. E demanda internashonal di Nina Ansary ta den man di abogadonan, Dennis Hranitzky, Susheel Kirpalani i Daniel Salinas Serrano. Na Kòrsou e ta risibi sosten di e bufete Van Eps Kunneman ouspisiá pa Rogier vd Heuvel. Entretantu e claim a oumentá.

Entretantu, Hushang Ansary tambe ta preparando un claim di por lo ménos 5 bion dòler estado unidense.  Den pasado, Hushang Ansary i abogado Richard Gibson a akusá èks presidente interino di Banko Sentral di Kòrsou i St. Maarten (CBCS), José Jardim, di a aktua di mala fe. Segun e karta si e intenshon ta pa yega na un resolushon serio,  Gibson i Ansary ta bisa di ta interesá.

Na Kòrsou, Nina Ansary ta risibiendo sosten hurídiko di bufete EKVD i Quinn Emanuel Urquhart & Sullivan ku ta un operadó di un kantor ku ta konta ku mas di 800 abogado i establesé na Estados Unidos. Nina Ansary ta akshonista di Parman Capital kual ta e kompania ku ta operá Ennia i ku ta un kompania yu di Parman International. Korte na Kòrsou den Promé Instansha a konkluí ku e daño na Ennia a yega 1.1 miar florin. Korte den promé instansha mediante wes Eveline Nootenboom a dikta fayo pa Nina Ansary kubri 945 mion florin for di e daño okashoná na e kompania. Den Apelashon Nina Ansary a keda eksonerá miéntras na Estados Unídos korte a rechasando petishon di Ennia Caribe Holding pa kobra Nina.