Back to Top
Responsive image
E korant di pueblo

Entrega di Lista djaweps 21 di yanüari


January 19, 2021 • 3 minüt pa lesa

– Pa motibu di Covid-19 i Entrega di Lista di Kandidatonan ta tuma lugá na WTC den Exhibition Hall.

– Pa motibu di kambio temporal di Ordenansa Elektoral e orario pa por entregá lista a bira 9or pa 6or. (Lei tabata bisa 9or pa 4or). (PB 2021 no 5 a keda publiká 15 di yanüari 2021)

– Máksimo 3 persona di kada partido por drenta den sala pa entregá lista kumpliendo ku e medidanan di Covid-19 stipulá.

– E folklor di Entrega di Lista ku nos konosé no por tuma lugá e aña aki.

Tin espasio limitá pa asistensia di miembronan di prensa na e okashon aki. Pa esaki mi ta bin bek ku mas detaye djaluna anochi pa informá boso konkretamente kiko ta posibel, kuantu hende ta posibel i kon e setup lo bai ta pa si akaso tin medio di komunikashon ku ke presensiá i transmití e parti importante aki den e proseso elektoral. Si akaso bo ta interesá pa tei presente, kuminsá na lagami sa esei dor mi mandami un mail bek indikando esei.

– Ainda Konseho Supremo Elektoral no sa ni por bisa eksaktamente kuantu partido tin pa elekshon 2021. Tur dia nos ta risibí yamada, petishon pa informashon di agrupashonnan polítiko nobo ku ta hasi pa KSE difisil pa antisipá kiko lo bai sosodé dia 21 próksimo. Pues e informashon eksakto i korekto, nos por duna djaweps 21 di yanüari.

– Djasabra 30 i djadumingu 31 di yanüari próksimo tin Sostenementu di Lista. Esaki ta tuma lugá di 08:00-20:00. Tin 11 lokalidat ku en total 14 urna kaminda e votadó por duna su sósten na e partidonan ku ke bai elekshon ku aktualmente no tin asiento den Parlamento. Kada partido mester haña 789 voto di sósten, kual ta 1% di 78.830 kual tabata e votonan bálido di e delaster elekshon na 2017. Ta bon pa mi enfatisá ku ounke ainda den boka di pueblo ta papia di haña firma, no tin nada di firma den esaki. Pues ta fout pa bisa ku e sósten ta firma. E sostenementu di lista ta bai kasi igual ku votamentu durante dia di elekshon riba un ondersteuningsbiljet. 

E diferente urnanan ta:

1 Urna   Kolegio San Hose
Barber 8 – Barber

1 Urna   Kolegio Annie Koenraad 
Kaya Tera Cora – Tera Cora

1 Urna   Atanacio Emilo Goiloschool 
St. Michielsweg 14C   – Julianadorp

1 Urna   Sentro di Bario Sta. Maria                            
Seru Fortunaweg z/n –    Sta. Maria

2 Urna   St. Antonius College
Seru Fortunaweg 3 – Sta. Maria

1 Urna   Kolegio Sta. Famia                                                         Mgr. Nieuwindstraat. 25 – Otrobanda

2 Urna   Glorieux College
Vondelstraat 36 – Brievengat

1 Urna   J.W.Th. Schotborghschool 
Tumbastraat 40 – Koraal Specht

1 Urna   Sentro Bario Bonam                                                      Ronde Klipweg z/n – Bonam

2 Urna   Maris Stella VSBO
Montaña di Rei 11 – Montaña 1 Urna  

Sentro Detenshon i Korekshon
Kaya Shèrs 182 – Prizòn



Login