Willemstad – Kámara di Komèrsio di Kòrsou ta organisá un seshon informativo tokante ‘Invest in Willemstad’ riba 11 di òktober 2023, for di 17:30 te ku 19:30 ora den ouditorio di Kámara di Komèrsio. E meta ta pa trese edifisionan i terenonan den Willemstad bou di atenshon di posibel invershonistanan nashonal i internashonal, desaroyadonan di proyekto, operadónan i empresarionan.

Esaki ta un oportunidat ekselente pa doñonan di propiedat real bini ofresé nan propiedatnan den sentro di siudat i kayanan (Penstraat, e Sehos hospitaal bieu, tereno rondó di Berg Altena, etc..

Esaki ta un oportunidat ekselente pa doñonan di propiedat real bini ofresé nan propiedatnan den sentro di siudat i kayanan (Penstraat, e Sehos hospitaal bieu, tereno rondó di Berg Altena, etc.. E Summit ‘Invest in Willemstad’ ta tuma lugá di 3 te ku 5 di desèmber 2023. Promé ku e summit, partnernan lokal tin e oportunidat pa partisipá na un seshon di informashon tokante e evento i kon nan por partisipá komo partner lokal. Despues di un promé edishon hopi eksitoso na 2019, den koperashon ku VNO-NCW pa merkado Hulandes i e seshonnan siguiente durante 2020 i 2021, e di 5 edishon di ‘Invest in Willemstad’ na 2023 lo tin un karakter internashonal atrobe.

E di 5 edishon aki ta enfoká riba:

1. Invershonistanan, grandi i chikitu: for di invershonista institushonal te ku invershonista individual;
2. Desaroyadonan di proyekto ku ta kapas di transformá edifisio bieu òf tereno bandoná den sentro di siudat den algu bunita;
3. Operadónan ku kier brinda mas bida, aktividat ekonómiko i diversidat den kurason di Kòrsou, Willemstad;
4. Fasilitadó manera makelaar, arkitektonan, ofisina di ingenieria ku ta ofresé sosten i forma parti importante den e realisashon di e plan di konstrukshon.
5. Kámara di Komèrsio ta organisá e seshon informativo aki den koperashon ku e Stuurgroep
   ‘Invest in Willemstad’, pa Willemstad bira un sitio históriko briante, vibrante i bunita kaminda ta
   agradabel pa residentenan i turista i kaminda ta bon pa invertí i hasi negoshi.

Kámara di di Komèrsio ta yamá tur interesadonan pa asistí na e seshon informativo aki.
Por registrá via [email protected]

Pietermaai, 6 di òktober 2023 Kámara di Komèrsio i Industria di Kòrsou