Konsepto di Lei: minister di telekomunikashon Charles Cooper for di ougùstùs 2022 a laga traha un konsepto di lei riba portabilidat.

Punda— E dos kompanianan di telekomunikashon, Flow i Digicel ta den problema serio si un desishon kai kontra di nan fabor, riba portabilidat di number. Ta trata di e diskushon, ken ta doño di e numbernan di telefon portátil i kon leu e kompanianan provedornan por claim e numbernan.

E siman aki na Ofisina di Telekomunikashon i Post, kuater kompania ta diskutiendo riba e struktura di telekomunikashon. Ta trata di Flow, (ántes UTS), Digicel i awor Tera Mobile i Aquatel. Unu dje problemanan mas grandi ta, kiko e kliente ta bai hasi na momento kambia di provedor i kiko tei pasa ku su number. Un kos ta sigur, e kompanianan entrante 2024 ta bai kompetí fuerte pa mantené of gana porsentahe riba merkado selular, kompetiendo ku otro. Portabilidat di number )oportunidat di bai un otro provedor ku mesun number) ta un diskushon bastante delikado.

Manera ta konosí na Kòrsou, tin dos konseshon nobo ta pa derechi riba telekomunikashon i sistema selular ta bai subi merkado na Kòrsou. Ya tur trámitenan legal básiko ta aprobá. Unu ta TerraMobile BV miéntras e otro ta , kual konseshon Aquatel mester a warda algun proseder, pero entretantu ta kla. TerraMonbile e dianan aki ta subiendo merkado pa invershonista. E kompania ku tin su konseshon kla, ya ta riba merkado di propaganda ku nan lema “TerraMobile, empowering seamless communication all over the island”. Unabes interesadonan inskribí, ta manda e presentashon i kontenido di invershon.

Entretantu Aqualectra tambe ta preparando i bou di lider di proyekto, ingeniero Michael Gaari, e kosnan ta kanando. E kompania tin un ret potenshal di faiber kual ta práktikamente instalá. Ku Aquatel i TerraMobile riba merkado, e konsumidó ta risibi un bentaha di por kambia di servisio debí na alternativanan adishonal. Un faktor importante ta portabilidat di e number di selular. Portabilidat di number ta nifiká ku un usario/kliente, na momento e kambia di operadó, e por bai ku su number. Kambio di number pa tantu kompania komo un persona ta un tarea difísil. Segun un deklarashon di minister Charles Cooper den pasado, ta trahando riba e problematika i ya tin un konsepto di lei den proseder pa por habri e posibilidat di portabilidat. Unabes Parlamento di Kòrsou aprobá esaki, operadónan di selular tin mihó opshon pa atkishon di kliente. E lei alabes ta promové kompetensha riba merkado eliminando restrikshon den kambio di number. Unu di e promotornan pa TerraMobile ta Donald Dindial.

Miéntras TerraMobile BV tabata kla ku konsenshon, Aquatel mester a warda pero entretantu ta kla.  Darick Jonis eks direktor di Aqualectra a duna pa entre Mei pa fin di 2023 Aqualectra su ret pa telefòn selular lo ta operashonal. Jonis, kende a duna e deklarashon algun luna pasá, a splika ku mundialmente tur kompania ta diversifikando nan mes. Desaroyonan agresivo a bira parti di nos bida. E la duna ehèmpel riba e merkado di awa ku koriente kaminda hopi kompania ta opta pa hasi uzo di pènel solar. Awendia tin 21 mega watt di pènel solar ku ta instalá riba daknan. Esaki ta tradusí su mes ku e demanda di èrko den dia ta wòrdu kompensá ku panel solar.

Na e momentonan aki tin un ret fiho di fibra óptiko na Kòrsou instalá dor di Aqualectra mes. E idea no ta pa kompetí ku esnan ku ta proveé telekomunikashon aktualmente. E idea ta pa pone e infrastruktura disponibel pa tur hende pa asina por mehorá. Uza otro su infrastruktura i sòru pa esaki ta bon. E ora ei por kompetí ku otro riba produkto i servisio.

Pero kosnan no ta kanando manera premirá. Prinsipalmente FLOW i tambe Digicel tin bastante problema ku e problema di portabilidat. Na Hulanda, usarionan tin opshon di bai ku nan number na momento kambia di provedor. E siman aki, tabatin un kantidat di reunion pa e kompanianan provedor splika nan punto di bista na Ofisina di Telekomunikashon di Post. Segun minister Charles Cooper ayera den un deklarashon na Vigilante, e lei ta kanando i aktualmente ta Departamentu  pa Asuntunan Hurídiko. Despues e konsepto mester bai Hunta di Konseho pa bin bek Hunta di Minister pa e desishon final òf aló ménos aprobashon.

Vigilante siman pasá a post riba su facebook un pregunta “ken ta doño di bo number selular”. E opinionnan tabata bastante dividí pero ku mayoria splikando ku e numbernan ta di provedornan.