WILLEMSTAD–Komo un di e spònsernan ofisial di EK Futbòl Coca-Cola a organisá un kampaña di e tema aki pa su konsumidónan. Riba tur produkto produsí lokal tin un EK logo òf un futbòl bou di un tapa di oro. Por kambia e tapanan aki pa e produktonan original di EK di Coca-Cola manera tas, bala, sèrbètè di laman i glas di bebe.

Konsumidónan  por yena tambe un lòt pa por gana e premio mayó: un Volkswagen Fox Connect 2021 riba 15 di yüli próksimo. Pero promé ku yega asina leu Coca-Cola a organisá e promé entrega di premio den kua nan a rifa un 55”Hissence Roku Smart TV. E ganadó di e premio aki ta Señor Earl Martha, un gran fanátiko di futbòl. No solamente e ta mira e weganan, e ta hunga futbòl tambe serka e veteranonan na Barber. E konosido futbolista Vurnon Anita tabata presente na e momentu ofisial pa hasi entrega di e premio na e felis ganadó.  

E seremonia a tuma lugá na e punto di entrega di Coca-Cola na Sambil. Esaki ta habrí di djárason te ku djadumingu di 1’or di mèrdia pa 8’or di anochi. P’ ariba brùg tambe por entregá e tapanan di 8’or di mainta te 5.30 or di atardi i riba djasabra di 9’or di mainta te 2’or di mèrdia sin stòp na Volkswagen Curaçao na Seru Lora.

Dia di Tata
Ta ofresé tas, bala i sèrbètè di laman pa Nafl.15,- i 5 tapa di oro i glas pa Nafl.3,- i tres tapa di oro. Por haña lòt grátis na momentu di kambio pa produkto òf na entrega di solamente 5 tapa di oro.  Pa e dianan promé ku Dia di Tata tur hende ta haña dòbel lòt.

Pa mas informashon por bishitá e página di Facebook CocaColaCuracao òf por manda un mail na  [email protected].