Back to Top
Responsive image
E korant di pueblo

Gionel Virginie a keda premiá komo mihó direktor nashonal


September 27, 2021 • 1 minüt pa lesa

WILLEMSTAD,—-Djabièrnè último, e hóben YDK preparadó di beyesa, ku ta Gionel Virginie, a wòrdu premiá na El Salvador, komo e mihó direktor nashonal di beyesa.

Esaki sin duda tabata un di e momentunan ku Gionel nunka mas lo por lubidá. E premio aki a yega sin ku Gionel mes tabata na altura di dje unda ku Gionel a keda kompletamente sorprendí na momentu ku a keda anunsiá ku su persona ta e mihó direktor nashonal.

Pa loke ta trata Shaqira Noor, e la hasi un tremendo trabou i a keda den e 12 mihónan. E sertámen riba su mes tabata unu hopi fuerte i Shaqira sin duda a saka kara di Kòrsou dignamente. Shaqira sa ku Kòrsou kompleto ta super orguyoso di dje.

Mas aleu t’asina ku esaki ta pa promé biaha ku un YDK, ta risibí un premio grandi asin’aki. Kòrsou sigur mester ta super orguyoso di e logro di Gionel Virginie. Sigur e la bin ta laga mundu di beyesa tende mas di Kòrsou. Un pabien ta bai na Gionel Virginie pa ku otro logro.

Login