E evento a tuma lugá djabièrnè último na e Katedral di Sumpiña

Willemstad – Wikènt tras di lomba a tuma lugá e promé edishon di Entrepreneurship World Cup Curaçao organisá pa D&I, TAO i nan “branding partners” Korpodeko i Guardian Group. E ganadó di Kòrsou ta bai kompetí den e Final di Karibe pa optené un lugá den e Final Global. Den novèmber e Finalistanan Global lo kompetí den e Foro Global di Misk na Riyadh, Arabia Saudita.

E huradonan pa e kompetensia aki tabata sr. Guido Rojer kende ta fundadó i direktor di “Caristat”, sr. Curd Evertsz ku ta di parti di Guardian Group, sr. Louis Martina kende ta ko- fundadó i direktor di “Six and Ten Group”, sr. Chesron Isidora ku ta CEO di KORPODEKO i sra. Natasha Chatlein kende ta fundadó i kabes di Mussidae “Braincoral Labs”.  

Jose Engletina : Delighted piña colada

• 

E promé entrepreneur di e anochi ta Jose Englentina kende ta e fundador di Delighted piña colada. Delighted piña colada a ser funda novèmber 2018 kual ta 3 aña pasá. Mas ku 115 lokalidat ta bende e produkto nan di Delighted piña colada.

Delighted piña colada ta un kompania ku ta bende bebida fresku manera piña colada i djus di fruta, e djusnan ta konsistí di 5 sabor manera Fruit punch, Kiwi punch ,Lime herbal i Passion Fruit. Promé ku e pandemia di covid-19 e kompania Delighted piña colada tabata bende mas ku 15.000 bòter di piña colada i 750 bòter di pùnch pa siman. Delighted piña colada ta bende su produktonan ku supermerkadonan i tambe pèrsona ku ta interesá den nan produkto por hasi pedido di esaki.

E motibu dikon Jose Englentina a forma parti di e kompetensia Entrepreneurship World Cup Curaçao 2021 ta paso Jose Englentina lo ke invertí e sèn den e negoshi di Delighted piña colada ya asina e negoshi por sigui krese i tambe bende internashonal tantu na USA i Europa. Delighted piña colada su prioridat awor aki ta pa e por enkontrá un partner pa traha kuné i asina perfekshoná su produkto i asina krese mas.

Na final di anochi a saka e premio “people’s choice award” kual a resultá di ta Delighted piña colada i a risibí un voucher di gasolin na Vanddis na balor 500 florin.

Juan Vicario : Mark-a- web services

• 

Juan Vicario tambe a partisipá na e Entrepreneurship World Cup Curaçao 2021. Juan Vicario ta na kabes di Mark-a- web services i Vicario ta un Information Privacy Manager sertifiká . Mark- a- web services ta pará pa protekshon di datos pues privasidat di kompanianan den Karibe i latino Amérika.

Mark-a- web services ta para pa yuda kompania nan i evitá ku esakinan ta haña nan den problema, manera pèrdida di kliente, i òf nan informashon nan mester wòrdu di lèk. Mark- a- web services ta ofresé servisionan manera Data protection pues protekshon di datosnan manera ya menshoná, tambe Mark- a- web services ta ofresé training nan sertifiká di Information Privacy Professional Europe, Informatio Privacy Manager i Information Privacy Technologist.

Manuel Rios :  WAPU

• 

E di 3 partisipante di e anochi tabata Manuel Rios, un hóben di 26 aña di edat i e ta kofundador di WAPU. E  kompania WAPU ta situá na Kòrsou kual ta un negoshi di marketing i ta fungi pa motivá i informá individuo nan ku ta kla pa kuminsá nan propio negoshi na Kòrsou, Aruba i Boneiru.

WAPU i su tim tin mas ku 10 aña di eksperensia ku marketing. E manera kon WAPU ta yega na kliente ta dor di nan podcast riba Youtube kaminda den 6 luna a yega na 500 siguidó riba Youtube. Via e podcast WAPU ta invitá vários doño nan di negoshi eksperensiá di Kòrsou pa papia di nan eksperensia kual ta inspirá e kliente nan pa kuminsá ku nan mes negoshi. Di kada 4 persona ku a djòin e podcast 1 ta lanta su propio negoshi. Riba e podcast nan ta papia riba diferente tópiko por ehèmpel kon ta traha sèn aki na Kòrsou, kon doño nan di e industria nan ta yega na entrada. E meta di e podcast ta pa motivá persona bira doño di nan propio negoshi i al final nan lo forma parti di WAPU su portafolio.

Segun WAPU e problema ta ku hopi kompania ta uza método nan bieu den nan parti di marketing, i esei ta stroba ku kompania nan por stòp di krese. I p’esei WAPU ta haña importante pa un negoshi tin su marketing ku método nan moderno.

Tim Martina : Brabu

• 

E di 4 partisipante ta Tim Martina e fundador di Brabu kual ta un kompania di IT. Tim Martina tin mas ku 10 aña trahando den e parti di “AI Engineer”, AI Engineer ta para pa Artificial Intelligence Engineer. Brabu a wòrdu fundá na aña 2019. E kompania ta un startup ku ta subi efektividat di servisio mikro-finansiero usando ‘machine learning’, kual ta aprendisahe outomátiko, i integrando coaching i edukashon finansiero na midí pa medio di su aplikashon Leeway.

Durante e rondo di pregunta, e hurado Guido Rojer di Caristat a puntra e fundadó di Brabu kon e ta bai yega na e merkado aki pafó di Kòrsou. Tim a splika ku nan strategia ta dos banda i ku nan ta fiha nan mes ku e embahador nan lokal pa nan presentá nan filosofia dilanti. Na final di e anochi e fundadó di Brabu Tim Martina a sali promé finalista.

Naftaly Maduro : Positive Pathway Productions

• 

E di 5 partisipante di e anochi tabata Naftaly Maduro e fundadó di Positive Pathway Productions, kual ta un kompania ku a wòrdu fundá na aña 2013 i ku ta organisá diferente proyekto nan pa mucha manera fakansi plan. Ta dor di esaki Naftaly a introdusí e app “Ban Keiru ku Kiki” ku pronto lo ta optenibel pa download. E startup akí, kual ta un kompania den fase inisial,ta enfoká riba desaroyo i kreashon di produkto inovativo kuta sirbi interes general di e komunidat, ku e meta spesífiko pa inspirá hóben i eksponé nan talento pa medio di nan aplikashon ‘Ban Keiru ku Kíkí’.

Durante su presentashon e la splika ku pa e promé dos añanan e fundadó lo kuminsá ku e dos idiomanan kual ta Papiamentu i Hulandes. Naftaly su meta ta pa den 5 aña e app tin hopi mas idioma i ekspande esaki pa asina muchanan di entre 7 pa 12 aña usa esaki. Ku e app aki Naftaly ke pa muchanan siña konosé mas ku un idioma.

“Ban Keiru Ku Kiki” ta ofresé mas hopi ku otro programanan manera Duolingo ku ta un app di Merka ku a wòrdu fundá na aña 2011. Positive Pathway Productions ta wòrdu manehá pa dos persona kual ta Naftaly Maduro mes i Roxmahara Senchi. Naftaly Maduro tin ya 10 aña ta moviendo den parti edukashon.

Durante e rondo di pregunta, hurado Guido Rojer di Caristat a hasi Naftaly un pregunta unda ku e la puntra e ganadó di e anochi kon e ta bai trata ku e problema di fragmentashon kual ta un problema ku sierto organisashon i software tin ya pa algun tempu kaba, Naftaly a splika ku na Kòrsou tin diferente idioma i ku nos ta biba riba un isla multikultural unda ku personanan ta papia diferente idioma ku ke yuda ku e app di “Ban Keiru Ku Kiki”. Curd Evertz di Guardian Group Fatum kende tambe tabata un di e huradonan a puntra Naftaly si e trese e plan di “Ban Keiru Ku Kiki” serka un Minister kon Naftaly lo aserka un Minister, Naftaly a splika ku invertí den e proyekto aki lo yuda muchanan siña konosé mas idioma i asina eduká nan mes i ku esaki ta e kompania ku un minister mester invert aden pa asina e yuda desaroya mas mucha.

Naftaly Maduro a sali e ganadó di e anochi unda ku e la risibí 5 mil dòler i avansá pa e siguiente ronda ku lo tuma lugá otro siman unda ku e lo enfrentá tur e ganando di e paisnan den Karibe. Naftaly na final a hiba palabra bisando ku e ta sumamente kontentu ku e ta bai representá Kòrsou i ku e ta primintí ku e lo bai hasi un tremendo trabou.

Irodice Cijntje-Copra : Choice Change & Chance BV

• 

E di 6 partisipante di e anochi tabata Irodice Cijntje-Copra ku a representá Choice Change & Chance BV. Irodice Cijntje-Copra tin mas ku 10 aña eksperensia trahando komo sikólogo. Choice Change & Chance BV ta un startup ku ta yuda hende alkansá su mihó potensial komo persona individual pero tambe komo un ser sosial, usando e aplikashon “Love Being In Love” pa yuda parehanan ku problema den nan relashon.

Irodice a splika ku aktualmente na Merka e prosentahe di divorsio ta na 43% i di Kòrsou ta na 73%, pa baha e prosentahe aki Irodice a trese dilanti e Love being in Love Mobile App unda ku pareha nan por komunika mas mihó ku otro. E hurado, Curd Evertz di Guardian Group Fatum a puntra Irodice si e app di Love being in Love Mobile App lo yuda drecha problemanan relashonal, Irodice a splika ku e sistema kon e app lo wòrdu hinka den otro esaki ta sòru ku lo no trese mas problema entre parehanan. Na final di anochi, Choice Change & Chance tambe a sali den un dje finalistanan.

Rhoda Rosales : Excellence Social Services

• 

E dama Rhoda Rosales tabata e di 8 entrepreneur ku a presentá den e Final di Entrepreneurship World Cup Curaçao. Su kompania “Exellence Social Services”, su meta ta pa selekshoná personanan mayor ku 18 aña ku lo tin mester di ayudo i servisionan sosial manera búskeda di un empleo, training i orientashon. Esaki lo bai ta basa spesialmente pa personanan ku a sali for di prizòn ku ta hóben di entre 18 i 30 aña. Tambe nan ta dirigí na empresanan ku lo bai rekerí apoyo ku personal adishonal i ku tambe lo bai tin mester di formashon pa nan trahadónan pa ku kambionan positivo di komportashon.  

Ku e plataforma aki nan lo bai ofresé 5 diferente tipo di servisio di kual ta : coaching laboral, yuda ku registrashon Online, yuda ku servisionan ambulatorio i training nan i coach pa un kambio positivo den e komportashon.  

Despues di su introdukshon e hurado Natasha Chatlein a hasié e pregunta di ku si e tin pensa di keda lokal ku su negoshi na e momentu nan aki òf si e lo bai ekspandé pafó di nos pais. Segun Rhoda ku na e momentu nan aki e no a pensa riba ekspandé sino ku e lo ke keda lokal por lo pronto. E intenshon ta pa keda lokal pero manera e la menshoná nan ta en buska di un desaroyadó di negoshi ku lo por yuda nan eskala e negoshi i si esei ta nifiká ku nan lo mester bai den eksterior e ora ei esei lo bai ta e kaso.  

Sabine Berendse : Green Phenix

• 

E kompanianan  “Green Phenix” ku ta mando di e sra. Sabine Berendse i “Genius Vinyls” ku ta wòrdu dirigí pa Stevenly Martina tambe tabata den e 9 finalista nan durante Kòrsou su promé “Entrepreneurship Contest” den wikènt tras di lomba. Durante e kompetensia meskos ku e otro partisipantenan nan tambe a introdusí nan servisio ku nan ta brinda i tambe a risibí pregunta di e huradonan. 

E kompania “Green Phenix” ku ta basa riba resiklahe di aluminio i plèstik tambe a partisipá na e eksitoso kompetensia di  “Entrepreneurship Contest”. E idea di e kompania aki a surgi na aña 2018 i e aktividatnan a kuminsá na aña 2019 den e patio di kas di e fundadó Sabine Berendse. E empresa sosial aki a gana vários premionan durante e premiashon di inovashon na aña 2018 i 2019. Na aña 2019 e premio internashonal di konservashon Grassroot. 

Durante e kompetensia e fundadó Sabine Berendse a risibí e pregunta serka e penalista Guido Rojer, di kiko e lo hasi si aki 5 aña lo kuminsá ku prohibishon di plèstik den Karibe. Segun Sabine e plèstik ta sigui ta un merkado di kresementu i ku prohibí tur e plèstik definitivamente no lo bai sosodé en breve. Esaki paso nos ta dependé di dje inkluso si prohibié pa sierto artíkulonan i pakete e ta hopi importante. Pues durante 10 aña ounke si bin bandanan nan ta sigur ku nan tin sufisiente trabou pa hasi, espesialmente si bai wak kiko tur tin.

Stevenly Martina :  Genius Vinyls & Services

• 

E hòmber Stevenly Martina ku ta fundadó di “Genius Vinyls” tambe a duna introdukshon di su kompania. Unda ku e la splika e la kuminsá na aña 2014 unda ku esaki tabata komo un hòbi i tabata su pashon ku despues a bira un negoshi unda ku te dia di awe nan ta traha steker pa kasi tur kos. Nan ta enkargá ku trahamentu di steker i involukrá di p.e jet ski. Nan por pone logo i/ òf steker riba blusa, kòpi etc. 

E tambe a risibí pregunta unda ku e penalista sr. Curd Evertsz a hasié e pregunta di ku kiko e ta pensa di un lansamentu fuera di e proyekto ku e tin huntu ku otro persona i lansa su mes produkto pa den futuro. Stevenly a respondé ku den futuro esaki lo por ta posibel pero ku pa awor aki e ta kere ku nan lo bai dominá e merkado di Karibe ku esun di e ku otro persona.