Willemstad——-  Guardian Group Fatum, bo kompania di seguro i hipotek konfiá di hopi aña, orguyoso i emoshoná, ta lansa su kampaña di fin di aña“Kontent’i mirabo”. Despues di dos aña, kaminda komunidat kompletu tabata deprivá di selebrá momentunan kaluroso huntu, e temporada di fin di aña aki, Guardian Group ta selebrá en grande i ta kumpli ku es ku abo ta deseá pa un otro.

Kontent’i mirabu atrobe, di por brinda servisio i saludá liber ku’n zwai yen di zjeitu, un sonrisa briante i un brasa kaluroso . Tur loke ta e esensia di un enkuentro kaluroso, speshalmente den temporada di fin di aña, kaminda e esfera di positivismo, pas, amor i ‘legria ta reina. Deseo kumplí ta bida largu, p’esei pa eskpresá e felisidat di por kompartí ku otro un biaha mas, ku e kampaña aki, Guardian Group Fatum huntu ku SkeniCash ta bai yuda hasi loke abo ta deseá pa un otro un realidat. Paso ki mihó regalo ku un deseo bira realidat den e temporada di mas festivo di aña?

Hasiendo kompra na kualkier partner di SkeniCash, inkluso Guardian Group Fatum, for di awe, te ku luna di dezèmber, bo tin e oportunidat di manda bo deseo pa un otro, kaminda tur luna un komishon dediká lo skohe un persona pa hasi felis. Imaginá un pasku ku e ser kerí ku bo tin años sin brasa, un bukèt di flor pa e persona ku a yudabo den pèrta, un regalito pa e bisiña menos fortuná. Ban kompartí e kariño, kalor i amor pa otro i ekspresá esaki for di e kosnan di mas chikí te na esnan di mas grandioso. Paso mas bo duna, mas bo ta risibí. Ken abo ta kontent’i mira i ke demostr’é?

Kada fin di luna, Guardian Group Fatum lo klousura luna di òktober, novèmber i dezèmber generoso, skohiendo un deseo speshal ku lo kumpli ku nan deseo di mas grandi. Durante di luna lo skohe tambe differente otro deseonan mas chikí i hasi nan tambe un realidat.

Like i sigui nos pagina di Facebook i Instagram, “Kontent’i Mirabo, pa bo tambe biba e momentunan inolvidabel aki i hopi mas sorpresa huntu ku nos. Paso realmente, Guardian Group ta kontent’i mirabo. Pa mas informashon tokante reglanan di partisipashon i tur kas di benta partisipante por fabor bishitá nos wepsait https://win.myguardiangroup.com/kontenti-mirabo

Mas aleu, Guardian Group Fatum ta kontent’i mirabo bèk tambe na e di 37 edishon di My Guardian Group Walk & Run, djadmingu 30 di òktober próksimo. Ku e meta pa trese komunidat huntu unbes mas i enfatisá i konsientisá riba un bida salú, Guardian Group su evento deportivo di mas grandi den Karibe ta konta unbes mas ku 5000 partisipante ku lo kana i kore un distansia di 10 kilometer aki na Kòrsou. Registrá bo partisipashon awe na https://www.myguardiangroup.com/events/my-guardian-group-walk-and-run-curacao-2022 pa bo tambe forma parti di e moveshon grandi aki.