Den e debate polítiko tokante di krísis klimátiko i biodiversidat diferente parlamentarionan a duna nan punto di bista den kuadro di problema klimatiko na nan propio pais.

Willemstad, — Durante reunion di Parlatino mester di kolaborashon regional pa bini ku polítikonan ku ta protehá ser humano i medio ambiente. Mester bin ku legislashonnan kla pa e industria energétiko, agrikultura, i maneho di sushi.

Aktualmente tin 150 pais a firma pa redusí 30% di emishonnan na 2030 dor di implementashon di mió práktikanan. Na Climate Change Conferences (COP)paisnan a bai di akuerdo ku kada 5 aña ta proponé metanan. Rolando Gonzales , presidente di Parlatino ta bisa ku tin sufisiente polítika pero Falta kapital. Segun e presidente di Parlatino loke ta eksistí internashonalmente mester wòrdu distruí na paisnan vulnerabel pa asina e paisnan por atendé ku kambio di klima. Segun e presidente di Parlatino ta komentá ta bisa ku mester bini ku strategianan regional. Pues via di e komishonnan di Parlatino  kordinashon regional ta posibel.

Juan Pablo Leterier di Instituto de Gobernanza del Parlamento Andino ta bisa ku ta papia di adaptashon, mitigashon, pero lokual nos mester ta fondonan pa invertí den solushonnan duradero. Juan Pablo Leterier  ta bisa ku komo gobièrnu tin un sierto kontròl riba e materia na nivel internashonal ta lubidá riba e akshonnan nashonal, Juan Pablo Leterier ta bisa. Parlamentarionan mester pusha pa e metanan di emoshonnan ta inkluí den kompromisonan na nivel nashonal. Den esaki ke proponé pa formashon di gruponan nashonal pa promové konsiensia, legislashon, fiskalisashon pa atendé ku e asuntu kambio di klima.

Giselle Mc William, eks miembro di Komishon di Medio Ambiente i Turismo ta bisa ku e ta proponé pa konhunto atendé e tema i tambe krímen kontra di humanidat. Den 2022 Nashonnan Uni a deklará ku medio ambiente limpi i aksesibel ta un derechi humano, Giselle ta bisa. Pakiko nos no ta proponé pa instituí un tribunal pa krímen kontribuí kontra di medio ambiente? Mc William ta proponé. Por asta pone e tribunal den Karibe pa asina atendé kasonan di krímen kontra humanidat. Na e tribunal aki nos siudadanonan por akudí pa krímen hasí i di e moda aki por salbaguardiá medio ambiente komo un derechi humano. 

Na final di e debate parlamentario Fergino Brownbill a duna e deklarashon final den kual parlamentarionan a bai di akuerdo pa sentralisá esfuersonan pa atendé e asuntu di klima den Latino Amerika i Karibe.