St Michiel,– Riba djasabra den oranan di mainta riba kaya tene Kòrsou limpi tabata tin un grupo di hende ku a disidí di limpia e kaya.

Ta trata di un grupo di 8 persona ku a kuminsá limpia henter e kaya for di 7:30 di mainta. E potrèt a ser saká banda di 10 or pues e grupo tabata sigur 2 ora trahando pa limpia e kaya.

Despues di un rekorido den e kaya esaki a keda nechi limpi. Por a tuma nota ku asta un bùmper di un vehíkulo a keda limpia.

Na momentu ku reportero di Vigilante a saka potrèt, mesora un miembro di e grupo a bisa ku mester sigui konsientisá hende pa stòp di tira shushi foi outo debí ku esaki por hasi daño na medioambiente.

Den pasado Kaya tene Kòrsou Limpi tabata un semi-lèntfil pero despues di a buta bòrchi pa basta aña i ademas a atvertí hende pa no tira shushi, esaki ta birando parsialmente respetá.