Gwendell Mercelina a hasi su tèst na Lab de Med i ta bisa ku komo parlamentario tabata su deber pa mustra su inosensia pa retené konfiansa di pueblo.

https://www.facebook.com/VigilanteKorsou/videos/1501676423716345 (Klik pa wak entrevista Live)

Willemstad, — Gwendell Mercelina a hasi un tèst na Lab de Med pa asina prueba su inosensia i su imágen públiko. E tèst di droga pa uzo di canabis i cocaina a sali negativo.

Parlamentario Michelangelo Martines a hasi publikashon riba Facebook den kual el a bisa pa laga tèst e “tèrsio” aki riba uzo di droga tur dia promé ku esaki drenta parlamento. Ku esaki e parlamentario a hasi indikashon ku Gwendell Mercelina, un parlamentario ku rasta, tabata hasi uzo di droga den su bishita na Colombia.  Gwendell Mercelina, pa m defendé su persona a disidí ku e mes ta bai un tèst boluntariamente pa asina prueba su inosensia i kontradesí lokualnan a keda publiká di dje riba retnan sosial. Pues Gwendell Mercelina a hasi su tèst di droga i Lab de Med a duna resultado riba mesun dia.

E tèst a sali negativo pa usa di Cannabis i Cocaina. Gwendell Mercelina ta bisa ku e ta representante di e pueblo aki. “Na momentu ku tin defamashon i e persona tin ku gaña pa skonde bèrdat e situashon tin ku bira asin’aki”. E parlamentario ta bisa ku promé ku e tabata polítiko e tabatin un karera profeshonal tambe. Segun Mercelina ta tacha su imágen públiko pero tambe alabes ta tacha imágen di personanan ku a pèrdè yunan òf sernan kerí dor di uzo di droga. No ta algu pa hasi wega kuné Gwendell Mercelina ta bisa. Mercelina ta bisa ku e no tin ku prueba pa su mes pero e tin ku hasi esaki pa restorá konfiansa komo parlamentario.

“Tur hende por mira e deklarashonnan riba FB ku ta bisa ku mi ta un drogadikto ku tabata èks rasta di PNP. Nunka ma uza droga den mi bida ni mi no ta bai hasi esaki. Mi ta un polítiko progresivo i representante di pueblo”. Mi no tin kondena riba droga i òf otro kos ni mi no ta sospechoso den kasonan andando, Mercelina ta splika. “Tur dia mag di bin tèst mi paso mi no ta huma ni bebe. E kosnan ku ta pasa den e pais aki ta via prueba i transparensia tin ku demonstrá bo mes”, Mercelina ta bisa.  “E polítikonan ku a hasi deklarashonnan aki mester sa ki momentu, pa ken, i pakiko nan a hasie. Mi ta den konseho pa wak e siguiente stapnan ku mi tei tuma, no solamente e polítikonan pero tambe e medio di komunikashonan”, Mercelina ta bisa.

“Dia mi tabatin rasta mi tata a hasi ferfelu ku mi pa motibu di mi rasta paso e tabatin miedu di pensamentunan relatá na mi kabei, pero esaki no ta nifiká ku mi tabata uza droga. Mi tin kunes ku lokualnan ta sosodiendo pasombra mi no ke pa e kos aki afektá mi famianan” e parlamentario ta bisa.