AMSTERDAM—E korant AD por publiká un artikulo basá riba grabashonnan sekreto di Peter R de Vries.

Asina Hòf na Amsterdam a determiná den apelashon. Si tin kondishonnan na e publikashon. Royce de Vries, yu di Peter R de Vries, a start un huisio sumario kontra e korant pasobra e publikashon ta pone su seguridat na peliger. De Vries ta bisa ku e no tin nada di skonde pero si pa proteha. Na promé instansha el a haña rason. Pues no por a bisa nada di e motibu dikon e kaso no por trata den publiko. Hof a bisa ku den e publikashon no por usa nomber di e presentadó ku a traha ku Royce i Ptere R de Vries, ku a aserka nan pa informashon di e dossier. Komienso di yanuari AD a publika un artikulo a base di grabashonnan di Kasem den kua e ta atmiti ku den su tempu komo abogado el a soborna un empleado. Kasem a entrega su funshon komo presentado. Den Hof a bira kla ku e kaso ta trata di Kasem. E tabata traha huntu ku e tata/yu De Vries.