Willemstad—-Djaluna 30 di òktober 2023 alrededor di 01.25’or, Sentral di Polis a haña notifikashon ku tin un bringamentu entre un hòmber i un dama na un snèk den Daimariweg.
Na e sitio polis a detené e hòmber sospechoso V.A.C.M di 31 aña di edat nasé na Kòrsou, relashoná ku maltrato. A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.