Back to Top
Responsive image
E korant di pueblo

Homenahe na Sidney Saturnino i Rudy Rooi den Klup di Shell


March 20, 2021 • 1 minüt pa lesa

WILLEMSTAD,—-Dia tres di aprel Fundashon Kultural Seú Kòrsou, ta bai tin Homenahe na tur e ganadónan di Festival Kantadó Mayó. Esaki ta bai tuma lugá den Klup di Shell.
Mester bisa ku esaki ta kontrali na e rumornan ku ta sirkulá den kaya ku e aktividat lo tuma lugá den Curaçao Festival Center. Ayera Vigilante Farándula a haña informashon ku e dicho Homenahe lo bai keda dediká na señor Rudy Rooi i Sidney Saturnino.
Ta trata aki di e dos personanan ku tin hopi di aber ku e Festival Kantadó Mayó, ku a kuminsá na aña 2003 i sigui desaroyá. Mester bisa ku Rudy Rooi ta e pila mayó pa loke ta trata Festival Kantadó Mayó i na aña 2013 tabata Sidney Saturnino ku a tuma e batuta over i sigui kana ku esaki te ku tres aña tras di lomba. Mas aleu Vigilante Farándula a keda pone na altura ku dia 28 di mart binidero tambe lo bai tin un aktividat grandi organisá pa Fundashon Kultura Seú Kòrsou, esaki ta nifiká ku ta dos siman tras di otro lo bai tin aktividat di Seú.



Login