KRALENDIJK,—- ACE Foundation na e momentunan aki ta kordiná Edukashon Kultural Artístiko di Kalidat na Boneiru. E intenshon di e proyekto aki ta pa yuda skolnan pa inkorporá mas arte den skol.

Resientemente a hasi un periodo di prueba di 5 siman na diferente skol na Boneiru i esaki a kana bon. Despues di un evaluashon diferente skol a bai dia kuerdo pa un di dos periodo di 5 siman. Esaki lo tuma lugá kuminsando dia 21 di mei durante di siman di muzik pa mucha i lo bai kulminá dia 1 di yüli. E intenshon di e 5 simannan ta pa e muchanan por sera konosí ku mas tantu forma di arte posibel.

Esaki ta loke ku Segni Bernadina na deklará na Vigilante Farándula. “Na e momentunan aki tin mas o ménos 12 diferente ofresiendo kultural kla pa drenta diferente skol. ACE Foundation ta hasi un yamada na mas kulturista i/òf artista ku ke duna un aporte na formashon kultural artístiko na e muchanan pa registrá mas pronto posibel pa asina bo por wòrdu hinka den e programa. Nos ta buskando por ehèmpel kontadó di kuenta, dosente/coach di drama, baile folklóriko baile moderno, arte gráfiko, visual, obra di man pero tambe pa áreanan kultural manera norma i balor, kustumbernan di ántes, kuminda i mas”.

“Tur loke ku ta kai den e ámbito di arte i kultura ta bon bini. Traha un plan di lès òf un tayer ku lo bo por duna na skol i presentá esaki na e organisashon di ACE. E organisashon di ACE ta evaluá esaki i presente komo opshon pa skolnan akohe for di dje”. Asina Segni Bernardina kordinadó di Edukashon Kultural Artístiko a splika Vigilante Farándula. Pa forma parti di EKADK por tuma kontakto via e number di telefon 7965677 òf manda un mail na [email protected].  Esaki ta un proyekto di Fonds Cultuur Participatie sostené pa Openbare Lichaam Bonaire.