Choka: Hulanda aparte di kier choka Kòrsou finansieramente dor di kita off shore, kita online gambling, bòikòt komersial ku Venezuela te ku april 2023, awor tei kòrta den por venir turístiko tambe ku Venezuela. Riba e foto esun responsabel, Alexandra van Huffelen, sekretario di estado relashonnan den reino.

Punda—Kòrsou, Aruba i Boneiru, por bien lubidá konta riba turismo for di Venezuela. Gobiernu Hulandes,  ta permití pa saka solamente 200 visa for di Caracas, pa tur Venezolano ku kier biaha pa drenta Reino Hulandes, inkluso Hulanda.

Esaki ta nifiká, ku na ningun momento gobièrnu hulandes no tabatin ningun klase di interes pa yuda islanan ABC dor di permití pa habri frontera ku e pais bolivariano. Un situashon insolito. Gerensha di e.o. Laser i demas kompanianan aéreo ku kier bula entre Kòrsou i Venezuela tin nan man na kabes apesar di tur nan intentonan pa por trata na logra haña biaheronan entre Venezuela i Kòrsou.

Na e momentonan aki ya pa Yüli, niun siudadano èkstra pa bula bini islanan ABC for di Venezuela no por pasobra e 200 kuponan ta yena kaba. Otro luna, Minister di MEO, Ruisandro Cijntje ta bula pa Venezuela den kuadro pa promoshon turístiko, pero Hulanda tin e minister su stròp será na 200 visa pa luna, esei ta inkluso pa Aruba i Boneiru.

E merkado, ku den pasado tabata esun ku mas turista pa Kòrsou, ta hermetikamente será i Hulanda no tin niun intenshon di fasilitá esaki tampoko. E responsabilidat pa duna e turista venezolano visa pa biaha pa Kòrsou ta responsabilidat di Hulanda. E pais oropeo, tin su fronteranan hanchu habri pa tur sorto i tipo di refugiado kana drenta rònt mundu sin un visa, pero pa Kòrsou risibi un turista for di Venezuela mester di visa.

E desishon di Hulanda, pa emití solamente 200 visa mensual for di Venezuela ta un atake frontal kontra di ekonomia, turismo i por venir di Kòrsou.