AMSTERDAM—Ayera a lansa e agenda di kanser hulandes Nederlandse Kanker Agenda (NKA) den kua mas di 100 organisashon ta kopera.

Ta trata di institutonan di investigashon, organisashonnan sosial, di kuido i di pashentnan, finansiadonan i gobiernunan. Tin 20 meta stipulá riba prevenshon, detekshon tempran, diagnostiko, hereditario, tratamentu, kontrol, kuido paliativo i kalidat di bida. Sinku di e metanan ta haña e prome atenshon. Esaki ta kondukta di huma, detekshon, kansernan straño, konsekuensianan i kanser. I un strategia asina ta hopi nesesario segun direktor di kombatimentu di kanse KWF. Mitar di tur hulandes lo haña kanser. Den 2032 un kantidat di 156.000 lo haña e diagnose. Aktualmente tin mas di 1,4 mion hende ku e malesa. Ademas Hulanda por drecha hopi den Oropa segun e inisiadonan. 8% di hulandesnan ta fayese di kanser kompará ku e promedio Oropeo. Hulandesnan ta haña kanser 15% mas biaha ku e promedio Oropeo. Pues kanser ta kousa di morto number 1 den Hulanda. Pero di e 150.000 kasonan por preveni 30% ku medianan preventivo. Esaki ta logra solamente ku un plan integral nashonal.