Minimarket unda a bai kontrolá pero a bin haña esaki será.

Hòmber a bisa ku ta show  Polítiko Minister di Hustisia a bai hasi na Piscadera

Willemstad— Esnan ku a haña but dilanti di  Minimarket Fen yun Nv na Peruweg  tabata sumamente rabia ku nan si a haña but miéntras un dia promé a laga sentenáres di hende bai ku tabata bebe.

Djasabra e tim di kontròl a bai na  Fen Yun Nv Minimarket  na Peruweg, pa un kontròl. Na yegada di e tim a bin topa ku e  establesimentu ya sera pero pafó si tabatin algun persona sinta ta hunga dominó. Ora a bai kontrolá a bin topa e grupo aki den poseshon di un djùk den kual nan tabatin nan bebida yena. Mesora a atendé e grupo aki i a duna shete di nan ku tabata presente un but. Tabata aki ku e grupo a reakshoná i mesora a splika ku un dia anterior si a laga mas di 100 hende bai sin duna ni un solo but i nan pober ku ta sinta ta distraí nan mente anto promé ku e ora di Toke de Keda si ta haña un but. Asta nan a bisa ku si duna nan but kon nan ta hasi bai page mirando ku ni trabou nan no tin. Tabatin asta unu ku a bisa ku e djabièrnè ei ta un show Minister di Hustisia a bai duna ya ku e Minister  tabata bon na altura ku tin un bar na  Piscadera i ku tabatin un multitut presente, i ta p’esei mes e la bai e anochi ei. “ Bosnan a yega di wak Minister na un di e kontròlnan?, asina e la sigui bisa.  Un hende ku dos dede di sinti mester por pensa ku nèt e dia ei ku a bai na e lugá di e lider di Kem e Minister tabata presente?, esaki sigur ta un show Polítiko,  asina e hòmber ku a kaba di haña but tabata deshogá su mes.