Willemstad—– Enkonekshon ku e kontròlnan di rutina i tambe investigashon na e kasnan di hende grandi Inspekshon di salubridat huntu ku GMN  a hiba un bishita di inspekshon di urina na e kas pa hende grandi Love and Peace Nursing Home.

Den e kaso aki ta trata di un kas pa hende grandi ku tin un kapasidat pa 7 persona. Na e momento aki tin solamente dos persona interná i 2 otro ta pasa dia. Na momento di e bishita por a komprondé ku a  ku ta hinkando e parti médiko na e kas di hende grandi den otro. Esaki ta pone ku e parti asistensia di dòkter pa ku e klientenan ta tumando lugá ainda serka e dòkter di kas di kada kliente. Loke ta trata data di e personal i tambe e mapnan di protokòl na e kas di hende grandi  ta na òrdu. E sistema di aktividat pa ku esnan ku ta biba na e kas di hende grandi ta sufisiente.  Loke ta trata e personal ku ta kushina si esakinan ainda no a wòrdu di kùr pero a mustra nan riba e punto aki tambe i e trayektoria ku nan mester sigui.  E kas pa hende grandi tabata limpi pero mester mustra mas atenshon na e regla nan di kushina manera kùrmentu, ko’i shushi ku pedal, tambe waya pa evitá entrada di muskita den kushina. Tambe mester laga limpia e kurá. Mester pone mas atenshon pa seguridat di klientenan manera mester pone instalashon na muraya di e manera ku e klientenan por len i tene, mester pone mas lus  na algun lokalidat den e kas. A pone e instansha di e puntonan di akshon kual  dirèkt  i tambe den korto tempu lo traha riba esakinan kual ta regarda kùr e personal di kushina, laga buska un kashi pa remedi i tambe pa deshasí di algun insekto.