Willemstad,– Lesley Fer, koordinadó nashonal di krísis di Kòrsou ta kompartí ku instansianan di emergensia i limpiesa ta na ‘stand by’ pa asina atendé ku posibel petroli na kosta di Kòrsou. 

E ultimo desaroyo ta indikativo ku a diskubrí dos lèk di zeta den area di Boka Grandi, pero apesar di e dos lèknan aki, no tin nada mas. Esaki Fer a indiká algun ratu pasa na redakshon di Vigilante.

Lesley Fer, koordinadó nashonal di krísis di Kòrsou ta duna un update tokante di un posibel derame di petroli na kosta di Kòrsou. Pa loke ta trata e derame di petroli di Trinidat & Tobago esaki ya a yega na Boneiru kaba manera ta konosí. E kordinadó nashonal di krísis a duna di konosé ku djadumingu dia 3 di mart Aruba a weta spòt chikitu di zeta pero no tabata konfirmá di unda e spòt chikitu di zeta a sali. Esaki ta update di e koordinadó te ku 7or di mainta djaluna dia 4 di mart.

Lesley Fer ta aksentuá ku Kòrsou no ta den un estado di krísis ainda, i esei ta hopi importante pa kompartí.  E kordinado ta komparti ku tur instansia di emergensia i limpiesa di Kòrsou ta on stand by pa asina atendé ku e situashon. Pues Kòrsou no tin krísis ainda pero si mester di hende pa yuda kordinadó e proseso aki. Akshonnan di GMN, Kustwacht, Havenmeester i otro instansianan ta monitoriá e situashon i kuminsá ku e preparashonnan pa atendé ku un eventual kontaminashon di laman na parti nòrt/ wèst di Kòrsou.

Tambe Lesley Fer ta kompartí ku tin tambe entre otro boluntarionan di entre otro Carmabi ku ta pendiente pa asina tambe yuda ku un eventual kontaminashon di laman. Carmabi ta kontroladó entre otro Spaanse water i Oostpunt i nan no a deskubrí nada ainda. E derame di petroli a kuminsá den laman den área di Trinidat & Tobago i entretantu algun parti di e mancha di petroli a yega kosta di Boneiru kaminda ya a mobilisá servisionan di emergensia i di limpiesa. Ta trata aki di un barku ku a konfrontá problema i for di dia 7 di febrüari último i Warda Kosta di Trinidat & Tobago a kuminsá señalá derame di petroli di e barku aki.

Outoridatnan di Trinidat & Tobago te ainda ta atendé ku e insidente pa kontené e derame. Lesley Fer ta kompartí ku públiko por yama number di Milieudienst di GMN 0800 08 77 si weta derame di petroli den awa na Kòrsou.