Un sala bon bishita.

KRALENDIJK,– Ta asina ku djarason tras di lomba tabata un dia masha dushi mes kaminda grandi i chikí a kanta i balia ku Izaline Calister kompaña pa Thijs Borsten. Un show teatral kaminda Izaline a sa di siña e muchanan kon dushi ta balia i kanta.

E show teatral Bondia Goeiemorgen a hiba e hinter e públiko den esfera di mucha. Kantando kantikanan manera Fiesta den kura, Nanzi i e baka pinta i hopi mas. E show teatral tabata hopi interaktivo. Muchanan a imitá bestia, e la konta nan di e oloshi kèns i tambe e la konta nan e kuenta kon Nanzi a tuma Shon a rei hasi kèns. Parti mainta tabata tin un presentashon spesial pa fakansi plan,krèsh, pero tambe pa muchanan ku a bin ku fakansi Boneiru.

Parti mainta un sala yen di alrededor di mucha  i lidernan a disfrutá di e show. Anochi tambe un sala yen a balia i kanta. Promé ku Izaline e tiner nan di ACE TWEENS CLUB  a presentá un bunita show di 15 minüt ku yama Boneiru ta mi kas. E show a keda organisá pa ACE Foundation den kolaborashon ku OLB i ku sosten di MCB Bonaire, Fundashon wega number Bonairei FXDC printing.  

ACE Foundation ta sigui traha duru pa trese mas obra teatral, muzik i shownan pa mucha. No tin hopi kos mas pa mucha i banda di esei muchanan no ta hañando hopi formashon kultural artístiko mas na skol. E show Bon dia Goeiemorgen ta un método tambe ku por usa na skol pa por duna muchanan lès di muzik. Esei ta loke ku Izaline i Thijs a bisa. Un tremendo inisiativa di ACE Foundation pa hasi e trabou di pusha pa mas arte i kultura den skol. Boneiru a sigur a disfrutá i e intenshon ta pa sigui bin mas. Isaline sigur lo bai i bin bèk.