A haña kachó ku herida grave na garganta.

Willemstad, — Dulce Bonifasio, presidente di Fundashon Animals Are Our Friends ta informá un situashon bastante lamentabel di un kachó ku a krese miéntras su banchi no a keda kambiá.

Dulce Bonifasio, presidente di Fundashon Animals Are Our Friends, ku tin un santuario di 200 kachó a informá tokante di situashon di un kachó ku tabata den un estado kritiko. Ta trata aki di un petishon di yudansa tokante di un kachó ku tabatin un banchi ku a krese den su garganta. Ora ku a nota e situashon di e kacho a hiba e kachó dòkter di bestia mesora. A resultá ku e kachó tambe tabatin un kabuya bou di e halsbant ku tabata asina duru mará ku esaki a penetrá den e kachó su karni di garganta. Despues di a kita e banchi i kabuya for di e kachó su garganta por a mira e kachó su tendon, Bonifasio a duna di konosé.

E tendon ta sirbi komo un konekshon entre un múskulo i wesu, kaminda aktividat di e múskulo ta wòrdu transmití riba e wesu. Ta hopi importante ku hende tene kuenta pa banchi di kachónan no krese huntu ku nan garganta i ku ora esaki bira muchu pèrta e por herida e kachó, e presidente ta splika. Esaki ta konta tambe den kasonan di kachó den kual ta uza kadena komo banchi pa e kachó su garganta.  Bonifasio a duna di konosé ku e kachó a keda salbá i a yud’é pa kita e kabuya i banchi for di e kachó su garganta. Dulce Bonifasio, presidente di Fundashon Animals Are Our Friends ta informá ku e gastunan di e operashon a keda pagá dor di un persona ku a disidí pa yuda pa paga esaki.

Pues esaki ta un otro kaso lamentabel di maltrato animal. E último kaso ku Dolce Bonifasio a aportá di abuzu di animal tabata di un kachó ku un pia di kap. Den luna di mart Bonifasio a duna di konosé ku ta mester a presentá na Cubaweg pa asina trata na reskatá un kachó kaminda malechornan lo a kap e bestia su pata kita afó. Bonifasio ta kompartí ku e a haña un mèldu di un kachó di kaya tabata kana difísil. Mesora Bonifacio a bai den direkshon di Cubaweg pa asina buska e kachó aki i yuda esaki.

Bonifasio a indika anteriormente ku por nota kon e kachó tabata den un strès enorme i esaki tambe ta konta pa e raportahé resien di e kacho ku halsbant na su garganta. Pa loke ta trata e kacho ku a kap su pia, te dia di awe lástimamente no ta konosí kon a kap e pata di e kachó kita afó. E kachó ta un kachó yòn i ta un animal ku a wòrdu abuzá lástimamente.