Back to Top
Responsive image
E korant di pueblo

Kompanianan renombrá ku ta bende e.o kompota di beibi tin metalnan venenoso aden


February 5, 2021 • 2 minüt pa lesa

Washinton DC,– FDA i WHO a konkluí despues di nan investigashon ku 8 kompania grandi ku ta bende kuminda di beibi, nan produktonan ta yená ku nivel haltu di e metalnan Mercury, Lead, Calcium i Arsenic.

WHO i FDA a kuminsá un investigashon despues ku nan risibí diferente reklamo kaminda tabata tin sospecho ku tin chèns grandi ku e kumindanan di e kompanianan tin nivel haltu di metalnan venenoso. Basá riba e reklamonan WHO i FDA a kuminsá investigá e kompanianan: Nurture Inc, Beech-Nut Nutrition Company, Hain Celestial Group, Gerber, Campbell Soup Company, Parent’s Choice i Sprout Foods.

Basá riba e investigashon WHO i FDA a konkluí ku tur e kompanianan menshoná tin nivelnan haltu di e metalnan Mercury, Lead, Calcium i Arsenic aden.

WHO i FDA a investigá diferente dokumento interno i tambe nan a kondusí diferente tèst riba diferente produkto di e kompanianan. Nivel haltu di e metalnan Mercury, Lead, Calcium i Arsenic tin efekto negativo riba e desaroyo di beibi. Segun e investigashon e metalnan aki por sòru pa un redukshon permanente di IQ, oumento den komportashon asosial i por último e por tin efekto riba e yu su produktividat. Un beibi su kurpa ta basta delikado i kualke metal ku un beibi konsumí ku ta demas p’e, por tin daño riba su parti di desaroyo mental.

Tur kuminda tin un nivel di metal den dje, pero apesar ku FDA tin algun regla tokante e nivelnan máksimo ku un produkto por tin, ningun di e kompanianan aki no a kumpli na e reglanan aki. E resultado di e tèstnan ta demonstrá ku e kompanianan a bula e nivel di Arsenic ku 91 biaha, a bula e nivel di Lead 177 biaha, e nivel di Calcium a ser bulá 69 biaha i e nivel di Mercury a ser bulá 5 biaha.

Produktonan ku ta kai bo di e kategoria orgániko tambe tabata tin nivel haltu di e metalnan menshoná. E produktonan ku a wòrdu di tèst tabata diferente kompota, buskuchi, yògurt, juice i vitamina di e markanan menshoná.



Login