WILLEMSTAD: Kooyman ta orguyoso di anunsiá un kolaborashon stratégiko ku Lure Energy. Pa mas di 85 aña, Kooyman ta Kòrsou su provedor lider di material di konstrukshon i awor tambe hasiendo pasonan intenshonal den direkshon di energia solar. E partnership entre Kooyman i Lure Energy ta trese kuné ekspertisio di dos lider den merkado.

Klientenan ta benefisiá di instalashonnan di kalidat haltu di pènel solar ku no ta únikamente bon pa medioambiente, pero ku tambe lo redusí gastunan di energia/ utilidat signifikantemente. Ku e partnership aki Kooyman ta hasi un paso importante pa e inisiativa resien lansá ‘Go Green’ i ta kumpli ku su promesanan komo siudadano empresarial. Un aliansa duradero Lure Energy ta un kompania inovativo i spesialisá den energia solar i a bin ta demostrá su ekspertisio riba e tereno aki p’e último añanan.

E kompania ta ofresé solushonnan detayá i na midí pa tantu klientenan residensial i komersial. Awendia klientenan por yega Kooyman pa konseho relashoná ku pènel solar, instalashon di esaki i otro solushonnan relashoná ku energia renovabel. Pa hopi aña kaba Kooyman ta un marka di konfiansa pa material di konstrukshon duradero i di kalidat haltu, esaki mes ta hasi ku su reputashon ta unu sólido; kontratistanan tin pleno konfiansa den Kooyman i su personal kualifiká. Di akuerdo ku Wouter Nooij di Kooyman, “Mas i mas klientenan ta konsiente ku por redusí gastunan di koriente instalando pènel solar.

Nos no falta solo i e sistema pa usa esaki a bira mas ekonómiko. Ku diferente opshon di finansiamentu, awendia generá bo propio energia ta un sòm masha simpel. Mundialmente e interes pa instalashon di pènel solar a oumentá, i na Kòrsou tambe. Awor, klientenan por konta ku pènelnan solar di kalidat duradero i ku ta keda instalá di akuerdo stándarnan haltu di industria mediante nos partner Lure Energy.” Na alkanse di un i tur Tantu Kooyman i Lure Energy ta komprometé pa konsientisá komunidat riba e posibilidat di instalashonnan di pènel solar. Un pènel solar ta na alkanse di un i tur ya ku tin amplio opshon di finansiamentu.

Te asta ku un instalashon chikitu, kasnan di famia por redusí gastunan di koriente konsiderablemente. Por pasa na Kooyman megastore Zeelandia òf Jan Noorduynweg entrante 17 di novèmber pa un indikashon di preis, e materialnan i tuma nota di opshonnan ku tin pa bo kas òf empresa. Trese bo resibu di koriente di manera ku ekspertonan por duna un kalkulashon di preis pa instalashon di e pènel solar i posibel finansiamentu pa esaki. Por hasi esaki tur dia, durante orarionan di megastore. Pa mas informashon por bishita www. kooymanbv.com/solar.