Gana: gobièrnu hulandes a gana 700 mion florin riba e sosten di likides pa Covid.

Punda—Sin posibilidat di opsekio, kontrali na lokual eks sekretario di estado Raymond Knops a krea, repago di 911 mion florin ta mantené e debe nashonal di Kòrsou na Hulanda meskos. Despues di 25 aña na 5.1%, Kòrsou lo paga en total 1.6 mion florin dunando Hulanda 700 mion florin di ganashi.

Hulanda ta hasiendo negoshi ku islanan KAS. Manera menshoná, van Huffelen a anunsiá ku Hulanda ta dispuesto pa refinansiá e debenan di Covid. E préstamonan aki, ku ta suma na total di € 1,17 miar (2.3 miar florin), kadukando 10 di òktober último. Si e paisnan ta akseptá e proposishon Hulandes, nan lo haña e posibilidat pa repartí e pagamentu bèk riba un período prolongá, kontra e tarifa di interes proponé, ku al final a resultá diferente pa kada isla.  Pa Kòrsou esei lo nifiká ku e debe na Hulanda ta keda na 3.5 miar florin. Te ku promé di e proposishon, Kòrsou tabata debe Hulanda 3.5 miar florin inkluso sosten di Corona (911) mion). Na momento e finansiamentu pa Ennia mester a yega,  e montante lo a suma 4.2 miar florin.

Awor ku Hulanda a menshoná di ta dispuesto na prefinansiá islanan KAS, (Kòrsou, Ariba St. Maarten), por nifiká ku Kòrsou su debe na Hulanda ta keda na 3.5 miar florin. Segun e wepsait, overheid.nl, kual ta sitio wep di gobièrnu hulandes, Alexandra van Huffelen a konfirmá e “boluntat” di Hulanda pa finansiá e debakel di Ennia. Esaki manera konosí a keda rechasá.

Apesar ku na e momentonan aki ta papiando riba un daño okashoná ménos di 300 mion, e debakel di Ennia, ta kalkulá di bira un di 300 entre 500 mion florin. Anke no ta probabel ku e suma lo surpasá 500 mion florin. Hulanda a pone bon kla kiko su kondishonnan pa refinansiá a bira. Fuera di e kondishonnan general, tin un suma di kondishonnan espesífiko pa kada pais. Pa Aruba ta apliká ku nan mester akseptá un Lei di Reino, den kual supervishon finansiero ta keda regulá,  sostenibel. Pasobra no tin akuerdo di gobièrnu ku Aruba tokante un Lei di Reino, Aruba ta haña e préstamo kontra un tarifa di interes mas haltu (6 – 8%). Esaki ta konforme ku e tarifa di interes ku Hulanda lo pidi di paisnan ku un krédito similar. Aruba ainda no a presentá un kalkulashon di e refinansiamentu. Si Aruba finalmente akseptá un Lei di Reino, nan tambe ta kualifiká pa un tarifa di interes mas abou di mas o ménos 3,1%. Si nan por presentá tambe un kalkulashon, por sera hasi areglonan spesífiko den e plan di préstamo

Pa Kòrsou i Sint Maarten ta konta ku mester tin un akuerdo di gobièrnu tokante un plan di salbamentu finansiero realista pa aseguradó di Ennia. Aktualmente e aseguradónan aki ta den un défisit tremendo di kapital, ku ta riesga 30.000 tenedó di pólisa na Kòrsou i Sint Maarten. Hulanda ta dispuesto pa duna préstamo na ámbos pais pa posibilitá un rekuperashon i asina duna siguridat na tenedónan di pólisa na Kòrsou i Sint Maarten. Kòrsou a rechasá e posibilidat di Ennia i skohe pa un repago di 25 aña na 5.1% ku lo kosta 1.6 miar florin na likides.

Konseho di Ministerionan di Reino a kalkulá fin di aña pasá ku, pa motibu di e suma di e préstamonan i ku pa tuma en konsiderashon e restablesimentu di finansiamentu di gobièrnu, e Paisnan lo no por paga e préstamonan kompletamente na e fecha final. Pa e motibu ei, gobièrnu Hulandes a disidí na komienso di e aña aki pa ofresé paisnan refinansiá kompletu. Pa kualifiká pa e refinansiá benefisioso i un tarifa di interes abou, Paisnan mester kumpli ku un suma di kondishonnan. E kondishonnan naturalmente ta stipulá den e Paketenan di Pais. E debe total di Kòrsou na Hulanda ta na 3.5 miar florin repartí den diferente fiansa. Kual último a bira 911 mion di Covid.