Kasi tur mucha ku a pasa e promé bakuna kaba di HPV lo pasa nan di dos. E aña aki ta kuminsá ku muchanan nasé na aña 2014 i otro aña e muchanan aki lo ta kla ku e siklo di bakunashon.

Willemstad, — Joanty de Jesus di GMN a kompartí ku e aña aki ta bakuná muchanan kontra di HPV ku a nasé na aña 2014 i otro aña e muchanan ta keda kla ku e siklo di bakunashon kontra di HPV.

Joanty de Jesus di GMN a kompartí ku e aña aki a bakuná muchanan nasé na aña 2014 i aña pasá muchanan nasé na aña 2013 konta di Human papillomavirus (HPV). Muchanan ta haña dos bakuna den kual ta haña un promé i despues di 6 luna e di dos pa sera e siklo di bakunashon kontra di HPV. Joanty de Jesus di GMN a kompartí ku dor ku tin sufisiente bakuna lo bai bakuná muchanan nasé na aña 2012 tambe. E bakuna ta pa muchanan di 9 aña bai ariba. Joanty de Jesus di GMN a kompartí ku si na Hulanda a pasa e bakuna kaba, lo sera e siklo di bakunashon na skol.

E bakuna ta tantu pa mucha muhé komo mucha hòmber i ta preventivo pa asina muchanan no haña kanser na matris despues. Joanty de Jesus di GMN a duna di konosé ku na aña 2022 a introdusí e bakuna kontra HPV, pero ku tin hopi konfushon den pueblo ku e bakuna no ta pa mucha chikitu i ku hopi hende no ta komprondé ku e bakuna ta preventivo. Pues segun Joanty de Jesus a bisa ku ta hasi esaki preventivo pa den futuro no tin aglomerashon di e malesa HPV den komunidat di Kòrsou bou di hóbennan i hende grandinan.

E vírus Human papillomavirus(HPV) ta un vírus ku ta plama via relashonnan íntimo. A suministrá e bakuna na edat di 9-10 aña, promé ku e persona por keda eksponé na HPV, esaki debí ku investigashon a demostrá ku tin mihó inmunidat si haña e bakuna promé ku adolesensia. Joanty de Jesus di GMN a indiká ku ainda no a saka e montante total pa loke ta trata kasonan di kanser dor di HPV na Kòrsou pero ku rònt mundu esaki ta hopi. Pues komo un método preventivo e bakuna ta yuda kontra di malesanan di HPV.

World Health Organization(WHO) ta propagandá den nan strategia mundial pa eliminá HPV, por medio di bakunashon komo prevenshon primario pa asina por evitá kanser na boka di matris, vagina, vulva, pénis, boka i garganta. Hende grandi por tuma e bakuna, pero Joanty de Jesus di GMN a indiká ku esaki ta bai segun nan dòkter di kas. Na Hulanda Joanty de Jesus a indiká ku hóbennan te ku 26 aña ta haña e bakuna i ku aki na Kòrsou si hende grandi ta deseá pa pasa bakuna esaki komo mester paga pa esaki.