E embarkashon aparentemente tabata direkshon Hulanda i Bèlgika.

BOGOTA – Armada kolombiano a haña mas di un tòn di klorhidrato di kokaina den awa nan di e departamento di Nariño. Tur esaki den un lancha ku a keda bandoná pa 3 hòmber despues di nota presensia di outoridat nan.

E gòlpi aki a evitá distribushon di 2.6 mion di dosis i e ingreso di 36 mion di dòler den e struktura finansiero di e grupo nan aki.

E embarkashon, tripulá pa tres hòmber, a keda detektá pa e unidat di Armada, pero na momentu ku esaki nan a nota presensia di outoridat nan, e tripulante nan a tira e pakete nan na awa i a intentá di hui for di e sitio.

E personal militar a haña e embarkashon i ku apoyo di un helikòpter, a sa di lokalisá i rekuperá e 1.060 kilo di klorhidrato di kokaina ta drif riba awa.

E pakete nan aki a keda trasladá huntu ku e persona nan i embarkashon te ku un otro embarkashon i transportá pa e munisipio di Tumaco.

E hayasgo aki ta suma su mes na esun ku a keda hasí pa outoridat nan 10 dia pasá, den un embarkashon semi sumergibel ku 795 kilo di kokaina tambe den pasífiko kolombiano di Santa Marta. Aki ta unda a haña 2.6 tòn di kokaina kamuflá den un kargamentu di banana ku tambe tabatin Hulanda i Bèlgika komo destino.