Mayornan ta invertí basta tempu pa siman den nan yunan.

Willemstad,– For di un investigashon ehekutá dor di diferente universidat, a resultá ku mayornan na Kòrsou ta invertí basta tempu pa yuda nan yunan ku tarea di skol.

Investigashon di Univeristy of Curacao (UOC), Fundashon Fair Educational Chance Curacao (FFEC) i Rijksuniversiteit Groningen (RUG) a nota ku mayornan ta hinka basta tempu pa siman pa yuda nan yunan ku tarea eskolar. Segun investigashon, Mayornan ku no ta paga pa guia di hùiswèrk ta dediká 18.2 ora pa siman di nan tempu pa guia muchanan. Mayornan ku ta paga pa guia di hùiswèrk profeshonal tambe ta hinka basta tempu den tarea di skol pa nan yunan. E investigashon a konkluí ku Mayornan ku ta paga pa guia di hùiswèrk ta duna un total di 12.8 ora pa siman di nan tempu èkstra pa guia muchanan.

E investigashon yamá “Ouderschapsbelasting door huiswerk en schoolwerk op Curaçao a diskubrí ku 52.3% di e mayornan ku a wòrdu investigá a indiká ku lòs di nan mes tambe tin un otro persona por ehèmpel un ruman, tio òf tanchi ku ta yudando ku hùiswèrk. Tambe a sali afó ku ta paga un promedio pa yu di alrededor di 291 florin pa luna na guia profeshonal.