Mester a akudí na Sunscape pa duna asistensha despues ku e notifikashon a drenta.

Marie Pampun—Polis ayera mèrdia tempran mester a manda un unidat pa hotel Sunscape unda un persona mester a konfrontá problema den laman.

Informenan no konfirmá ta señalá ku alrededor di 12’or di mèrdia, sentral di polis a risibi un notifikashon ku un persona landando na playa di Sunscape a bin konfrontá problema. Mesora a despachá unidatnan di polis, Politur i ambulans pa e sitio. Einan a bin konstatá ku un persona lo mester a risibi reanimashon pa personal di ambulans. Esei a tuma lugá i despues a transportá e persona pa CMC pa miho opservashon.