Ka’i òrgel ta algu ku hamas lo muri pasombra lo tin mas hende ku ta siña traha esaki.

Willemstad, — Dia 23 di novèmber último, grupo ‘Grandinan yen Ambiente’ a selebrá siman di ka’i òrgel na sentro di bario Marie Pampoen.

Swinda Albertus Conradus di e grupo ‘Grandinan yen Ambiente’ a menshoná ku gobièrnu di Kòrsou a skohe nan grupo pa asina hasi bishita serka nan den e siman di ka’i òrgel. Sra Conradus a kompartí ku e a apresiá mashá pasombra aña pasa tambe e grupo ‘Grandinan yen Ambiente’ tabatin e oportunidat pa selebrá e siman di ka’i òrgel huntu. E grupo tin 29 aña huntu i otro aña e grupo ‘Grandinan yen Ambiente’ ta hasi 30 aña.

Swinda Albertus Conradus  a menshoná ku ora e grupo a sali hotèl a mira ku a selebrá apertura di kai òrgel na Brion Plein. Swinda Albertus Conradus a menshoná ku kai òrgel ta algu ku hamas por muri i ta for di chikí e a siña baila ka’i òrgel seka grandinan. Swinda Albertus Conradus ta masha kontentu ku gobièrnu ta pone e siman di ka’i òrgel ya asina hopi hende mas por sera konosí ku no solamente ku ka’i òrgel pero tambe e tokadonan di ka’i òrgel.

Swinda Albertus Conradus a menshoná ku ka’i òrgel ta algu dèftig, fini, ku ta baila ku masha finesa i delikadesa. Ántes tabata baila esaki ku shimis largu i flor den kabei.