Bai:momento Wah di Morto a transportá e kurpa sin bida di Wiels na mei 2013.

Marie Pampoen– Djabièrnè 5 mei ta kumpli 10 aña ku Helmin Magno Wiels a ser asesiná, na Pir di Maripampun. Amigunan di Helmin Wiels, Kade Wilsoe i Mac Cijntje ta invitá henter pueblo di Kòrsou pa kompañá nan pa huntu nos desvelá e monumento nobo na memoria di Helmin Wiels.

Wilsoe i Cijntje ke pa kòrda kon pa 10 aña largu, tur anochi, inkansablemente e tabata eduká su pueblo i duna su vishon i informashon riba: polítika, enseñansa, edukashon, salubridat, ekonomia, hustisia sosial, situashon di  barionan, mihó bisá, tur tema i  òf tópiko relevante pa hiba Kòrsou na un estado soberano i independiente.

Segun Cijntje i Wilsoe, hopi no a komprondé su vishon, pero tiki tiki e simia ku el a planta a kuminsá haña rais i  hopi ku no tabata komprond’é a bin atmití ku e tabatin rason. P’esei na ta invitá pa huntu konmemor’é djabièrnè 5 mei i konhuntamente proklamá ku e lucha lo sigui. Orario: 4.30 – 5.45. Lugá: : Mari Pampun kaminda su sanger a ser dramá. E komunikado ta emití pa Melvin ‘Mac’ Cijntje i Elmer ‘Kadè Wilsoe.