Grandi: grupo grandi ayera na Museo Tula pa apertura
Kenepa—Ayera a tuma lugá apertura ofisial di Museo Tula Nobo. Ta trata di un museo, bunita akabá i kordiná i un aktivo importante pa desaroyo riba konosementu di sklabitut pero tambe pa turismo.
E museo tin un kolekshon grandi di arte i historia ubika paden i pafó di e lanthùis. Pasantenan por mira eksposishon di poesia, manera por ehèmpel “Mi Lenga” di Pierre Lauffer kombiná ku kolekshon di fotografia históriko riba mulamentu di maishi. Unu di e partinan importante ta e refleho di e ruta di e luchadónan pa libertat a kana na 1795.
For di entrada por nota e bòrchi tradishonal di Museo Tula i asina kana drenta por mira obranan di Frank Martinus, “Kiss of a Slave”, Ta Amor so por, Djuku Kaiman. Tambe por mira eksposishon di Sklabitut i Rebelion di Charles Do Rego.
Ayera tabatin hopi bishitante i tambe turista kendenan a logra yega Kenepa. Asina por ehèmpel e pareha di Heerlen, Josephine i Reint a logra yega Kenepa i keda sumamente enkantá ku e museo. Nan a tende di e apertura i logra yega Banda Abou. E pareha tin 5 siman kedando na Kòrsou i a enamorá kompletamente di nos historia i kultura.